दस वर्षीय मासूम दिव्यांका के उपचार के व्यवस्था करही चिरायु टीम
सीएम कैंप कार्यालय के पहल ले जरूरतमंद मनखे मन ल मिलत हे तुरंत सहायता
जशपुरनगर, 02 अगस्त 2024। सीएम कैंप कार्यालय के पहल ले जरूरतमंद मनखे मन ल मिलत हे तुरंते सहायता। इही कड़ी म बगिया निवासी 67 वर्षीय टेबुल राम ल कैम्प कार्यालय कोति ले ई-रिक्शा उपलब्ध करवा के उंखर परेशानी दूर कर देहे हे।
बगिया निवासी 67 वर्षीय टेबुल राम ह बताइस के ओ मन अड़बड़ परेशान रहिन। ऊंखर दुनों पैर खराब होए के सेती चले फिरे म कठिनाई होथे। ते पाए के ओ मन घर म ही बइठे रहत रहिस। ए परेशानी ले राहत पाय बर उमन मुख्यमंत्री विष्णुदेव साय ले ई-रिक्शा देवाए के अनुरोध करे गए रहिस। तब टेबुल राम के ये बड़का परेशानी दूर कर देहे गीस। टेबुल राम ह कहिस के अब मै आस-पास रहइया अपन स्वजन अऊ मित्र मन ले मिले के संग घर के छोटका काम घलोक कर लेथंव वो ह एखर बर मुख्यमंत्री विष्णुदेव साय के आभार व्यक्त करे हें।
टेबुल राम के जइसे बिरसपत के केरसई निवासी 34 वर्षीय दिव्यांग गुरुदेव राम ल रिक्शा, 70 वर्षीय बुजुर्ग संतन साय ल श्रवण यंत्र देहे गीस। कान म चोट लगे ले श्रवण बाधित 34 वर्षीय श्रवण गुप्ता जशपुर निवासी ल श्रवण यंत्र उपलब्ध कराए गीस। जन्म ले चले फिरे म होवत परेशानी ले जूझत 10 बछर के दिव्यांग खलखो के उपचार कराए बर चिरायु टीम ल निर्देशित करे गए हे। संगेच सड़क दुर्घटना म दुनों पैर गंवा के दिव्यांग हो गए 47 वर्षीय नंद कुमार ल कृत्रिम पैर उपलब्ध कराए के आश्वाशन सीएम कैम्प ह देहे हे।
जानबा हे कि जशपुर जिला के कांसाबेल ब्लाक के बगिया स्थित सीएम विष्णुदेव साय के निज निवास ल छत्तीसगढ़ सरकार ह सीएम कैम्प के दर्जा देहे हे। इहां आयोजित होवइया जनदर्शन म जशपुर संग आन जिला मन ले घलोक मनखे अपन मांग अऊ समस्या लेके पहुंचत हें। ए आवेदन मन के प्राथमिकता ले निराकरण करे जात हे। सीएम कैंप कार्यालय ह हेल्प नंबर 07764-250061, 07764-250062 म घलोक कॉल करके प्रदेश भर के मनखे लाभान्वित होवत हें।