आईसीएआई के रायपुर शाखा ला नया रायपुर म सीए के कोचिंग अउ इंस्टीट्यूट के कार्यालय बर जमीन उपलब्ध कराये के घोषणा करिस
छत्तीसगढ़ म निवेश बढ़ाये बर मांगिस सहयोग
श्री भूपेश बघेल वेबिनार के मध्याम से देशभर के चार्टर्ड एकाउंटेंट्स ला सम्बोधित करिस
छत्तीसगढ़ में नया कंपनी (उद्योगों) के संभावना अउ औद्योगिक नीति म रियायत के जानकारी दिस
रायपुर, 28 जून 2020/ मुख्यमंत्री श्री भूपेश बघेल हा इंस्टीट्यूट आफ चार्टर्ड एकाउंटेंटस ऑफ इंडिया ले जुड़े देशभर के सीए से ग्राम पंचायत मन अउ नगरीय प्रशासन के काम काज म कसावट अउ वित्तीय प्रबंधन ला मजबूत बनाये बर सहयोग के आव्हान करिस । उमन कहिस कि छत्तीसगढ़ में बहुत से वनोपज हे जेखर पैदावार देश के अन्य हिस्सा म नइ होये । वर्तमान म ये वनोपज मन के संग्रहण के बाद एखर प्रसंस्करण छतीसगढ़ के बाहर होथे । अउ इंस्टीट्यूट आफ चार्टर्ड एकाउंटेंटस ऑफ इंडिया एखर प्रसंकरण बर निवेश छत्तीसगढ़ म लाये के पहल करथे तो एखर से प्रदेश के उत्पादक मन अउ संग्राहक मन ला लाभ मिलही अउ एखर निर्यात अन्य हिस्सा म करे से वहां के आवश्यकता के पूर्ति घलव होही । मुख्यमंत्री श्री भूपेश बघेल हा आज अपन निवास कार्यालय ले इंस्टीट्यूट आफ चार्टर्ड एकाउंटेंटस ऑफ इंडिया द्वारा ‘रिसर्जेट छत्तीसगढ़‘ विषय बर आयोजित वेबिनार म देशभर के चार्टर्ड एकाउंटेंट्स ला सम्बोधित करिस । ओहा सबो आगामी एक जुलाई के सीए दिवस की अग्रिम शुभकामना दीस।
मुख्यमंत्री श्री बघेल हा ये अवसर म आईसीएआई के रायपुर शाखा ला नया रायपुर म छत्तीसगढ़ के विद्यार्थि मन बर सीए के कोचिंग इंस्टीट्यूट अउ कार्यालय भवन के लिए जमीन उपलब्ध कराये के घोषणा करिस । उमन ये अवसर म वेबीनार के ई-स्मारिका के विमोचन घलव करिस।
मुख्यमंत्री श्री बघेल हा आईसीएआई द्वारा छत्तीसगढ़ के एक हजार कम्पनी वाले (उद्यमियों) मन ल निर्यात बर तैयार करे म सहयोग के प्रस्ताव का स्वागत करत सहमति प्रदान करिस । उमन कहिस कि छत्तीसगढ के हर गांव म गौठान अउ चारागाह विकसित करे जाथे । एमे से एक एकड भूमि महिला स्व सहायता समूह मन के आर्थिक अउ व्यावसायिक गतिविधि मन बर आरक्षित करे हे । आईसीएआई उद्योगपति मन अउ महिला समूह मन ले टाईअप करके उहा अपन आवश्यकतानुसार निर्धारित गुणवत्ता के सामग्रि तइयार कराके उमन अपन ब्रांड म बेच सकथे । ये काम बर महिला समूह मन ला लाभांश के हिस्सा देके उमन ला आमदनी के जरिया उपलब्ध कराये में मदद कर सकथे ।
श्री बधेल हा कहिस कि छत्तीसगढ़ म औद्योगिक अउ व्यावसायिक गतिविधि मन बर के अनुकूल वातावरण हे । इहा कुशल अउ अकुशल श्रमिक, भूमि, जल अउ विद्युत उपलब्ध ह । राज्य सरकार के नवा औद्योगिक नीति के विस्तार ले जानकारी देत बताइस कि कोलकता, सूरत अउ मुम्बई के बाद रायपुर म बड़े जेम्स एण्ड ज्वेलरी पार्क बनाये जाथे । उमन ये अवसर बर सुराजी गांव योजना, राजीव गांधी किसान न्याय योजना, गोधन न्याय योजना, लघुवनोपज संग्रहण, मनरेगा सहित कोविड नियंत्रण ऑवलॉकडाउन म कृषि अउ उद्योग तथा व्यापारिक गतिविधि मन ला प्रोत्साहित करे बर किये गे प्रयास के जानकारी दिस । मुख्यमंत्री कहिस कि पिछले साल हमार अनुभव रहिस हे कि किसान, वनवासि मन के जेब म पईसा डाले से छत्तीसगढ़ वैश्विक मंदी ले अछूता हे । ये साल घलव हमन राजीव गांधी किसान न्याय योजना के तहत किसान मन ल 5750 करोड़ रूपए के राशि दे थे । इही प्रकार सर्वाधिक कीमत म तेन्दूपत्ता के खरीदी करथे। एखर साथ ही राज्य म 31 लघुवनोपज मन के खरीदी समर्थन मूल्य बर करथे । एखर असर बाजार म देखे ला मिलथे । छत्तीसगढ़ म 3 हजार ट्रेक्टर बिके, कंपनि मन के मांग के अनुसार ट्रेक्टर के आपूर्ति नइ कर पाथे । आईसीएआई के राष्ट्रीय अघ्यक्ष श्री अतुल गुप्ता हा कहिस कि उखर संगठन राज्य सरकार ला हर सहयोग देबर तइयार हे । उमन नगरीय निकाय मन में नवा रेवेन्यू जनरेट करे में सहयोग करे, पंचायत मन के मेनेजमेंट, स्नातक के बाद छात्र मन ला को सीए के मार्गदर्शन म तीन साल गहन प्रशिक्षण जइसे कार्य संचालित करे म राज्य सरकार के साथ सहयोग के प्रस्ताव दिस ।
ये वेबीनार म देशभर के चार्टर्ड अकाउंटेंट्स शामिल होइस। उद्योग विभाग के प्रमुख सचिव श्री मनोज कुमार पिंगुआ अउ लघु वनोपज संघ के एमडी श्री संजय शुक्ला, आईसीएआई के राष्ट्रीय अध्यक्ष श्री अतुल गुप्ता अउ पब्लिक व गवर्नमेंट फाइनेंसियल मैनेजमेंट कमेटी के अध्यक्ष श्री धीरज खंडेलवाल सहित अनेक पदाधिकारी ये कार्यक्रम में जुड़ीस । इंडियन इंस्टीट्यूट ऑफ चार्टर्ड अकाउंटेंट्स के रायपुर शाखा के अध्यक्ष सीए श्री किशोर बरड़िया अउ सचिव श्री रवि ग्वालानी मुख्यमंत्री निवास में उपस्थित रिहिस। वेबिनार म छत्तीसगढ़ चेम्बर्स ऑफ कामर्स, कैट अउ उरला इंडस्ट्रिज एसोसिएशन के पदाधिकारी घलव जुड़े रिहीस।
गुरतुर गोठ बर सोनू कुमार
