- हावर्ड यूनिवर्सिटी म आयोजित ’इंडिया कांफ्रेंस’ म विशेष चर्चा म संघरहीं
- नोबेल पाए अर्थशास्त्री श्री अभिजीत बनर्जी ले करहीं मुलाकात
- संयुक्त राष्ट्र संघ जनरल असेम्बली के मुख्यालय जाहीं
रायपुर, 11 फरवरी 2020। मुख्यमंत्री श्री भूपेश बघेल आज ले 21 फरवरी तक अमेरिका दउरा म रइहीं। ए दौरान ओ मन सेनफ्रांसिस्को, बोस्टन अऊ न्यूयार्क म आयोजित होवइया कई कार्यक्रम मन म सामिल होहीं। श्री बघेल 15 अऊ 16 फरवरी के हावर्ड यूनिवर्सिटी म आयोजित ’’इंडिया कांफ्रेंस’’ म भाग लेहीं। जहां ओ मन 15 फरवरी के ’प्रजातांत्रिक भारत म जाति अऊ राजनीति’ विसय ऊपर अपन विचार रखहीं। ए चर्चा के संचालन श्री सूरज येंगड़े करहीं।
निर्धारित दौरा कार्यक्रम के मुताबिक मुख्यमंत्री 11 फरवरी के दिल्ली ले सेनफ्रांसिस्को जाही। जिहां ओ मन भारतीय वाणिज्य दूतावास कोति ले आयोजित हाई टी कार्यक्रम म सामिल होही अउ ’बे एरिया’ के निवेशक मन के संग रतिहा के जेवन म संघरहीं। अगले दिन 12 फरवरी के ओ मन सेनफ्रांसिस्को म रेड वुड सोर्स के आटोग्रिड म एक चर्चा म भाग लेहीं अउ एखर बाद स्थल निरीक्षण अउ एक आन चर्चा बर सनीवेल स्थित इक्वीनॉक्स जाहीं अऊ टाई सिलिकॉन वैली म निवेशक मन के संग चर्चा करहीं।
मुख्यमंत्री 13 फरवरी के मीडिया के संग चर्चा करहीं अऊ विमान ले सेनफ्रांसिस्कों ले बोस्टन बर रतिहा 8.45 बजे रवाना होहीं। ओ मन 14 फरवरी के भिनसरहा 5.18 बोस्टन पहुंचहीं अऊ मंझनिया 2 बजे ले 3 बजे तक इंस्टीट्यूट फॉर कॉम्पीटिटीवनेस के संग बैठक म सामिल होहीं। अगले दिन 15 फरवरी के मंझनिया 12.45 बजे कैम्ब्रिज स्थित हावर्ड यूनिवर्सिटी म पहुंचहीं अऊ उहां मंझनिया 1.05 बजे ले 1.50 तक इंडिया कांफ्रेंस म प्रजातांत्रिक भारत म जाति अऊ राजनीति विसय म अपन विचार रखहीं। एखर बाद ओ मन संझा 6.30 बजे हावर्ड यूनिवर्सिटी कोति ले ऊंखर स्वागत म होटल चार्ल्स म आयोजित भोज म सामिल होहीं।
मुख्यमंत्री 16 फरवरी के नोबेल पुरस्कार प्राप्त अर्थशास्त्री श्री अभिजीत बनर्जी ले भिनसरहा 9 बजे एम.आई.टी. म मुलाकात करहीं। एखर बाद ओ मन मंझनिया 1.40 बजे रेल ले न्यूयार्क बर रवाना होहीं। अगले दिन 17 फरवरी के भिनसरहा 10 बजे ओ मन संयुक्त राष्ट्र संघ के जनरल एसेम्बली जाहीं अऊ मंझनिया 12.15 बजे ले 2.30 बजे तक उहां राजदूत अउ आन राजनायिक मन ले मुलाकात करके संयुक्त राष्ट्र संघ के कार्यप्रणाली म भारत के स्थायी मिशन ऊपर चर्चा करहीं। श्री बघेल संझा 5.30 बजे ले रात्रि 8.30 बजे तक एन.ए.सी.एच.ए. कम्यूनिटी के संग चर्चा म सामिल होहीं।
मुख्यमंत्री 18 फरवरी के न्यूयार्क स्थित वाणिज्य दूतावास म मंझनिया 12.30 बजे बिजनेस अऊ इनवेस्टमेंट राउंड टेबल म सामिल होही। अगले दिन 19 फरवरी के रतिहा 11 बजे ओ मन न्यूयार्क ले रवाना होके 20 फरवरी के दुबई होत 21 फरवरी के भिनसरहा 2.40 बजे नई दिल्ली एयरपोर्ट पहुंचहीं।
chief minister chhattisgarh mr. bhupesh baghel USA visit Minute to Minute Programme
