चन्दूलाल चन्द्राकर स्मृति चिकित्सा महाविद्यालय दुरूग के अधिग्रहण संबंधी विधेयक विधानसभा म होही पेश

रइपुर, 27 जुलाई 2021 मंगल। चन्दूलाल चन्द्राकर स्मृति चिकित्सा महाविद्यालय दुरूग के अधिग्रहण संबंधी विधेयक छत्तीसगढ़ विधानसभा म पेश करे जाही। बीते 20 जुलाई के होए राज्य कैबिनेट के बइठका म ये चिकित्सा महाविद्यालय के अधिग्रहण विधेयक के प्रारूप के अनुमोदन करे गे हवय।
संसदीय कार्य मंत्री श्री रविन्द्र चौबे ह कहीन हे कि छत्तीसगढ़ सरकार कोति ले छत्तीसगढ़ के जम्मो जनता अउ छात्र मन के हित म अउ प्रदेश म तेजी ले चिकित्सा शिक्षा के विस्तार के उद्देश्य ले चन्दूलाल चन्द्राकर स्मृति चिकित्सा महाविद्यालय दुरूग के अधिग्रहण के निर्णय लेहे गे हवय। एकर ले चिकित्सा महाविद्यालय के रूप म एक तियार अधोसंरचना के अधिग्रहण करे जा सकही। उन मन कहीन कि आमतौर म कोनो चिकित्सा महाविद्यालय के अधोसंरचना ल तियार करेच करीब 500 करोड़ रूपिया अउ अबढ़े समय लग जाथे। मेडिकल कॉउंसिल ऑफ इंडिया कोति ले मान्यता पाए 150 सीट वाले चंदूलाल चंद्राकर स्मृति चिकित्सा महाविद्यालय दुरूग के अधिग्रहण ले केवल आधे लागत म एक ठिन अए सरकारी मेडिकल कॉलेज के लाभ प्रदेश के जनता ल तुरते मिलही।