अमर शहीद वीर नारायण सिंह के शहादत दिवस के अवसर म आयोजित कार्यक्रम मन म संघरहीं
रायपुर, मुख्यमंत्री श्री भूपेश बघेल 10 दिसंबर के अमर शहीद वीर नारायण सिंह के शहादत दिवस के अवसर म बालोद जिला के राजाराव पठार अऊ बलौदाबाजार जिला के सोनाखान म आयोजित कार्यक्रम मन म सामिल होके ओ मन ल श्रद्धांजलि अर्पित करहीं।
श्री बघेल निरधारित कार्यक्रम के मुताबिक रायपुर ले बिहनिया 11.20 बजे हेलिकॉप्टर ले रवाना होके 11.55 बजे बालोद जिला के राजाराव पठार (विकासखंड गुरुर) पहुंचहीं अऊ उहां अमर शहीद वीर नारायण सिंह के शहादत दिवस के अवसर म आयोजित वीर मेला के समापन समारोह म सामिल होहीं। मुख्यमंत्री मंझनिया 1.50 बजे बलौदाबाजार जिला के सोनाखान (विकासखंड कसडोल) पहुंचके शहादत अऊ श्रद्धांजलि दिवस के कार्यक्रम म सामिल होहीं। श्री बघेल मंझनिया 3.15 बजे बलौदाबाजार जिला के गिरौदपुरी धाम के तीर मड़वा सरहद पहुंचहीं। मुख्यमंत्री उहां सतनाम धर्मशाला के लोकार्पण करे के बाद संझा 4.35 बजे रायपुर लहुट आहीं।
