रायपुर, 14 अप्रैल 2020। मुख्यमंत्री श्री भूपेश बघेल ह छत्तीसगढ़ म मास्क के अनिवार्यता के घोषणा के बाद अपन सबो सोशल मीडिया प्लेटफार्म म मास्क वाला डीपी लगाके मनखे मन ल जागरूक करे के पहल करे हें। अब तक कईयोन हजार मनखे मन ह फेसबुक म एला पंसद करे हें। श्री बघेल ह ये डीपी के संग अपन ट्वीट संदेश म कहे हें के छत्तीसगढ़ राज्य म हर एक मनखे ल घर ले बाहिर सार्वजनिक स्थान म निकलत खानी मास्क पहनना अनिवार्य हे। चिकित्सकीय खांटी जानकार के सलाह के मुताबिक कोविड-19 के रोकथाम अऊ बचाव बर मास्क फेस कव्हर पहिरना जरूरी हे।
जानबा हे के छत्तीसगढ़ राज्य म हरेक मनखे ल अब घर ले बाहिर सार्वजनिक स्थान म निकलत बेरा मास्क पहिरना जरूरी करे गए हे। राज्य सरकार के स्वास्थ्य अउ परिवार कल्याण विभाग कोति ले 11 अप्रैल के मंत्रालय महानदी भवन ले ये आशय के आदेश जारी करे गए हे। चिकित्सकीय खांटी जानकार कोति ले कोविड-19 के रोकथाम अउ बचाव बर हरेक मनखे ल मास्क-फेस कवर पहिनना जरूरी बताए गए हे। ये एपिडेमिक एक्ट 1897 अउ छत्तीसगढ़ एपिडेमिक डीसीजेज कोविड-19 विनियम 2020 अऊ छत्तीसगढ़ पब्लिक हेल्थ एक्ट 1949 के धारा 71 (1) के तहत अनिवार्य करे गए हे। बिना मास्क-फेस कवर के घर ले बाहिर सार्वजनिक स्थान म जाना एकर उल्लंघन माने जाही अऊ ओकर उपर विधिक कार्यवाही करे जाही।
आदेश म कहे गए हे के बाजार म मिलइया ट्रिपल लेयर मास्क के प्रयोग करे जा सकत हे या होम मेड तीन पुरूत वाला फेस कवर बनाए जा सकत हे।