रइपुर, 19 अगस्त 2021 बुधवार। मुख्यमंत्री दाउ भूपेश बघेल के निर्देश म छत्तीसगढ़ सरकार के फ्लैगशिप योजना मन म सबले जादा लोकप्रिय सुराजी गांव योजना के अंतर्गत संचालित नरवा, गरूवा, घुरवा अउ बाड़ी कार्यक्रम के हकीकत जाने बर मुख्यमंत्री के अपर मुख्य सचिव श्री सुब्रत साहू अउ विशेष सचिव डॉ. एस भारती दासन आज बेमेतरा जिलाा के दौरा करीन। महिला स्व-सहायता समूह के माइलोगन मन ले गोठबात करीन अउ उन्कर आय मूलक गतिविधि मन ल जानीन।
बेमेतरा जिला के ग्राम राखी के गौठान के निरीक्षण अउ महिला समूह के बनाए राखी बंधवाके उन्कर बड़ई करीन अउ बधई दीन।
उन मन कहीन कि मुख्यमंत्री के मंशानुरूप महिला समूह ल सहयोग अउ मार्गदर्शन देके उन ल आर्थिक रूप ले पोठ करना शासन के प्राथमिकता हवय। उन मन अधिकारी मन ल महिला समूह के हर संभव मदद अउ स्वावलंबन बर प्रशिक्षित करे के निर्देश दीन। इही दौरान बेरला विकासखण्ड के ग्राम सोंढ़ के पंडित जवाहरलाल नेहरू हायर सेकेण्डरी स्कूल का तको मुआयना करीन अउ पढ़इया मन ले उन्कर पढ़ई-लिखई के बारे म जानकारी लीन।
बेरला ब्लॉक के ग्राम नेवनारा, सांकरा, सोढ अउ साजा ब्लॉक के ग्राम राखी अउ ठेलका के गौठान, महिला समूह के आय मूलक गतिविधि संग चरागन ।चारागाह। विकास के मुआयना करीन। जैविक कम्पोस्ट खाद बनाए के प्रक्रिया अउ गुणवत्ता के तको जांचीन। महिला समूह मन ल वर्मी कम्पोस्ट बनाए के संगे-संग फुटु ।मशरूम। उत्पादन, छेरी पालन, मछली पालन, दुग्ध उत्पादन, साबून, शैम्पू, फिनाईल अउ अगरबत्ती बनाए जइसन गतिविधि मन ले जोड़ने पर जोर दीन। उ
नेवनारा के महिला समूह ह बताइन कि गौठान, माइलोगन मन बर रोजगार के प्रमुख केन्द्र बनगे हवय। ग्राम सांकरा के दैहान ।गौठान। म महिला समूह मन ले सुगंधित साबुन, एलोविरा साबून, फिनाईल, ग्लिसरीन सहित झूमर बनाए जावत हवय। जेला अधिकारी मन सहराइन। ये बेरा म कलेक्टर श्री विलास भोसकर सांदीपन, पुलिस अधीक्षक श्री अरविन्द कुमार कुजूर संग विभागीय अधिकारी संघरीन।