रायपुर, 6 जून 2021 इतवार। मुख्यमंत्री दाउ भूपेश बघेल ह आज अपन घर के जगा म हर्रा अउ चार के पौधा लगाके पर्यावरण के संरक्षण अउ संवर्धन के बर अपन संकल्प ल दूहराईन। उन मन ये बेरा म प्रदेशवासी मन ल अपन पर्यावरण ल स्वच्छ अउ हरियर बनाए बर वृक्ष लगाए अउ उन्कर देखरेख करके रक्षा करे के संदेश दीन। मुख्यमंत्री ह पीछू बछर अपन घर के बखरी म विश्व पर्यावरण दिवस के बेरा म बोहार के पौधा लगाए रिहिने, जोन अब 5 फिट ऊंच होगे हवय। दाउ बघेल ह पौधा के तीर म जाके ओकर बाढ़ देखके संतोष प्रकट करीन।
ये बेरा म प्रधान मुख्य वन संरक्षक अउ वन बल प्रमुख श्री राकेश चतुर्वेदी अउ वनमण्डलाधिकारी रायपुर श्री विश्वेश कुमार झा संघरे रिहिन।
