मुख्यमंत्री हेल्पलाइन ले पांच महीना ले बंद हैंडपंप फेर होइस चालू

CHHATTISGARHI NEWS: बलरामपुर, मुख्यमंत्री हेल्पलाइन आम नागरिक मन के समस्या के लउहे, संवेदनशील अउ समयबद्ध समाधान के प्रभावी माध्यम बनत हे। बलरामपुर जिला के कुसमी विकासखंड के ग्राम पंचायत चटनियां के नहालुकोना पारा म पांच महीना ले बंद परे हैंडपंप ला हेल्पलाइन म शिकायत के बाद सुधारके फेर चालू कर देहे गे हे।
गांव के निवासी श्री सूर्यकांत यादव हैंडपंप खराब होए के शिकायत मुख्यमंत्री हेल्पलाइन म दर्ज कराए रहिन। शिकायत मिलतेच लोक स्वास्थ्य यांत्रिकी विभाग के तकनीकी टीम मौका म पहुंचिस अउ हैंडपंप के खराबी दूर करके चालू कर दिस। एकर से मोहल्ला के ग्रामीण मन ला पेयजल के बड़ राहत मिलिस अउ अब पानी बर दूर-दूर तक जाए के जरूरत नइ परत हे।
गांव वाले मन कहिन के उनला उम्मीद नइ रहिस के शिकायत ऊपर अतेक जल्दी कार्रवाई होही। समस्या के समय म समाधान होए ले शासन-प्रशासन ऊपर उंकर भरोसा अउ मजबूत होए हे। स्थानीय निवासी मन मुख्यमंत्री हेल्पलाइन ला उपयोगी अउ भरोसेमंद व्यवस्था बताइन।
कलेक्टर श्रीमती चंदन संजय त्रिपाठी के मार्गदर्शन म जिला म हेल्पलाइन ले मिले हर शिकायत के गंभीरता ले जांच करके समय-सीमा म गुणवत्तापूर्ण समाधान करे जात हे। अधिकारी मन ला नागरिक मन के समस्या के जल्दी अउ प्रभावी निराकरण ला प्राथमिकता देहे के निर्देश देहे गे हे।