मुख्यमंत्री ह हिंदी दिवस म दीन शुभकामना

रायपुर, 13 सितम्बर 2023

मुख्यमंत्री दाऊ भूपेश बघेल ह 14 सितम्बर के हिन्दी दिवस म प्रदेशवासी मन ल बधाई अउ शुभकामना दीन हावयं। उन मन कहीन कि राजभाषा हिन्दी अबड़े पोठ अउ जीवंत भाषा हरे, एकर स्वरूप समावेशी हावय। एकर लिपि देवनागरी विश्व के सबले जुन्ना अउ वैज्ञानिक लिपि मन ले हे। येह सरलग बोहावत भाषा हरे। हिन्दी के शब्द भंडार एक कोति संस्कृत ले त दूसर कोति अबड़ अकन देशी-विदेशी भाषा मन के शब्द मन ले पोठ होए हावय। उन कहीन कि हिन्दी के सहज-सरल होए के सेति येह देश ल एक सूत्र म बांधे म भूमिका निभाए हावय। हिन्दी के गुण ओला भाषा के दर्जा ले ऊपर एक ठिन संस्कृति के रूप म प्रतिष्ठित करथें। हिन्दी भाषा आज जन-जन के भाषा बनगे हावय। दाऊ बघेल ह कहीन कि प्रसिद्ध रचनाकार श्री भारतेन्दु हरिश्चन्द्र ह कहे हावय कि ‘‘निज भाषा उन्नति अहै, सब उन्नति को मूल’’ मतलब मातृभाषा के उन्नति बिना, कोनो भी समाज के तरक्की संभव नइ हे। सबो राजभाषा के गौरव अउ महत्व ल अउ आगू ले जाए बर संकल्पित भाव ले बूता करयं।