दुर्ग, 15 मार्च 2021। मुख्य सचिव श्री अमिताभ जैन के अध्यक्षता म आज मंत्रालय महानदी भवन म चिकित्सा शिक्षा विभाग के बैठक के आयोजन करे गीस। बैठक म मुख्य रूप ले चंदूलाल चंद्राकर मेमोरियल मेडिकल कॉलेज कचांदुर भिलाई, दुर्ग ल शासन कोति ले अधिग्रहित करे के संबंध म प्रारंभिक चर्चा होइस। बैठक म ये तय करे गीस कि चंदूलाल चंद्राकर मेमोरियल मेडिकल कॉलेज कचांदुर भिलाई, दुर्ग के शासन कोति ले अधिग्रहण करे बर जरूरी जम्मो पहलू-पक्ष मन के विस्तृत विश्लेषण अऊ आंकलन बर संबंधित विभाग मन अऊ विषय-विशेषज्ञ मन के अलग-अलग उप समिति बनाए जाही। ये समिति 15 दिन के भीतर अपन रिपोट शासन ल प्रस्तुत करहीं। एखर आधार म चंदूलाल चंद्राकर मेमोरियल मेडिकल कॉलेज के अधिग्रहण के कार्यवाही करे जाही।
चंदूलाल चंद्राकर मेमोरियल मेडिकल कॉलेज दुर्ग के अधिग्रहण के तैयारी शुरू
