मुख्यमंत्री ह 1.27 करोड़ रूपिया ले जादा राशि के हितग्राही मूलक सामान बांटिन

रायपुर, मुख्यमंत्री श्री भूपेश बघेल आज बालोद जिला के डौण्डी विकासखण्ड के ग्राम सिंघोला म आयोजित पंच-सरपंच किसान सम्मेलन अऊ आभार कार्यक्रम स्थल म पंचायत अऊ ग्रामीण विकास विभाग, कृषि, उद्यानिकी, आदिवासी विकास विभाग, महिला अऊ बाल विकास विभाग, हाथकरघा, मत्स्य विभाग, राजस्व, स्वास्थ्य, श्रम, उद्योग अऊ समाज कल्याण विभाग कोति ले लगाए गए प्रदर्शनी के अवलोकन करिन। मुख्यमंत्री ह कई ठन हितग्राही मूलक योजना मन के अंतर्गत 01 करोड़ 27 लाख रूपिया ले जादा के सामान अउ चेक के वितरण करके हितग्राही मन ल लाभान्वित करिन। मुख्यमंत्री श्री बघेल ह जऊन हितग्राही मूलक सामान व चेक के वितरण करिन वोमा प्रमुख रूप ले समाज कल्याण विभाग के योजना के अंतर्गत राष्ट्रीय परिवार सहायता के चेक, निःशक्तजन विवाह प्रोत्साहन राशि अऊ सहायक उपकरण, श्रम विभाग के अंतर्गत अनुग्रह सहायता राशि, सुरक्षा उपकरण, महिला एंव बाल विकास विभाग के अंतर्गत शिशुवती माता मन ल सुपोषण कीट, कृषि विभाग के अंतर्गत वर्मी कम्पोस्ट पैकेट, कृषि यंत्र स्प्रेयर, उद्यानिकी विभाग के अंतर्गत नदीकछार बीज, मछली पालन विभाग के अंतर्गत आईस डब्बा, जाल, राजस्व विभाग के अंतर्गत जन्म ले जाति प्रमाण पत्र, राजीव गांधी आश्रय योजना पट्टा अऊ आबादी पट्टा आदि सामिल हे।