दीपक नगर भिलाई म स्वामी आत्मानंद उत्कृष्ट अंग्रेजी माध्यम स्कूल के करही लोकार्पण
सर्किट हाउस दुर्ग म सामाजिक प्रतिनिधि मन करा करही मुलाकात
दुर्ग, नेहा राठौर के खबर/ मुख्यमंत्री श्री भूपेश बघेल 7 अप्रैल के विधानसभा क्षेत्र दुर्ग (शहर) म आयोजित अलग अलग कई ठ कार्यक्रम म सामिल होही। मुख्यमंत्री एकर संग म गंजमंडी दुर्ग म आम जनता मन करा भेंट-मुलाकात कर के शासन के योजना मन के क्रियान्वयन के फीडबैक(प्रतिक्रिया) लिही।
दौरा कार्यक्रम के अनुसार ले मुख्यमंत्री श्री भूपेश बघेल ह रायपुर ले बिहनिया 11.40 बजे हेलीकाप्टर ले मझनिया 12 बजे प्रथम बटालियन हेलीपेड भिलाई पहुचही अउ उहा ले दीपक नगर जाही। मुख्यमंत्री दीपक नगर म स्वामी आत्मानंद उत्कृष्ट अंग्रेजी माध्यम स्कूल के लोकार्पण अउ गंज पारा म सती चौरा मंदिर म दर्शन करही। मुख्यमंत्री मझनिया 12.40 बजे ले 1.55 बजे तक गंज मंडी दुर्ग म आम जनता मन ले भेंट-मुलाकात कर के ओमन के समस्या के सुनवाई करे के संग ही शासकीय योजना अउ कार्यक्रम के काम कारज ह बने से होत हे कि नही तेकर जानकारी घलो लिहि। मुख्यमंत्री एकर बाद सर्किट हाउस दुर्ग म संझा 5 बजे ले 6.30 बजे तक स्वयं सेवी समाज सेवी संगठन अउ अलग अलग समाज के प्रतिनिधि मन से भेंट-मुलाकात करही। तेकर ले मुख्यमंत्री ह सर्किट हाउस दुर्ग म जिला स्तरीय अधिकारी मन के बैठक लेके शासकीय योजना मन के काम कईसे चलत हे तेकर स्थिति के समीक्षा करही। मुख्यमंत्री उहा ले संझा 7 बजे मुख्यमंत्री निवास ब प्रस्थान करही।
