मुख्यमंत्री श्री बघेल आज जगदलपुर अऊ बीजापुर  के दौरा म

रायपुर, मुख्यमंत्री श्री भूपेश बघेल आज बीजापुर अऊ बस्तर जिला के दौरा म रइहीं। ओ मन ये बेरा म जगदलपुर के महारानी अस्पताल म नवा बने आपातकालीन आई.सी.यू. अऊ ओ.पी.डी. के लोकार्पण करहीं अऊ बीजापुर के जिला वासी मन ल 291 करोड़ रूपिया के विकास अऊ निर्माण काम मन के सौगात देंहीं। निरधारित दौरा कार्यक्रम के मुताबिक मुख्यमंत्री श्री बघेल आज 11.15 बजे रायपुर के पुलिस ग्राउण्ड हेलीपेड ले हेलीकाप्टर ले प्रस्थान करहीं अऊ मंझन 12.25 बजे बीजापुर के पुलिस लाईन हेलीपेड पहुंचहीं। ओ मन 12.30 ले 12.45 बजे तक जिला चिकित्सालय बीजापुर म सी.टी. स्केन के लोकार्पण करहीं। एखर पाछू बीजापुर के मिनी स्टेडियम म मंझनिया 12.50 ले 2 बजे तक आयोजित कार्यक्रम म 291 करोड़ के विकास अउ निर्माण कार्य मन के भूमिपूजन अऊ लोकार्पण करहीं।
श्री बघेल मंझनिया 2.05 बजे बीजापुर ले हेलीकाप्टर ले प्रस्थान करके 2.45 बजे एयर स्ट्रीप जगदलपुर पहुंचहीं। ओ मन इहां 2.55 बजे ले 3.30 बजे तक आयोजित कार्यक्रम म महारानी अस्पताल के नवा बने आपातकालीन आई.सी.यू. अऊ ओ.पी.डी. कक्ष के लोकार्पण करहीं। मुख्यमंत्री श्री बघेल एखर पाछू 3.40 बजे जगदलपुर एयर स्ट्रीप ले स्टेट प्लेन ले रायपुर बर प्रस्थान करहीं।