छत्तीसगढ़ के तरक्की म युवा मन के ठउका होवत सक्रिय भागीदारी: “CM आईटी फेलोशिप कार्यक्रम” ले खुलही अवसर के दुवार

रायपुर, छत्तीसगढ़ सरकार ह युवा मन के ऊर्जा, प्रतिभा अऊ नवाचार ल सशक्त मंच देहे के दिशा म एक ऐतिहासिक पहल करत “CM आईटी फेलोशिप कार्यक्रम” के शुरुआत करे हे। मुख्यमंत्री श्री विष्णु देव साय के अगुवई म ये कार्यक्रम राज्य के तकनीकी रूप ले दक्ष अऊ होनहार युवा मन ल वैश्विक प्रतिस्पर्धा बर तैयार करे के एक सशक्त माध्यम बनही।
ए योजना के अंतर्गत प्रदेश के युवा मन ल नवा रायपुर स्थित अंतरराष्ट्रीय सूचना प्रौद्योगिकी संस्थान (IIIT-NR) म आर्टिफिशियल इंटेलिजेंस अऊ डाटा साइंस जइसे भविष्यगामी विषय मन म M.Tech करे के अवसर देहे जात हे। ये पाठ्यक्रम डिजिटल इंडिया मिशन अऊ नवा शिक्षा नीति के मुताबिक तैयार करे गए हे, जेमां तकनीकी शिक्षा के संगे-संग नवाचार, अनुसंधान अऊ व्यावहारिक प्रशिक्षण म विशेष बल देहे गए हे। ए योजना के तहत चुने गे पढ़ईया लईका मन के पूरा ट्यूशन फीस राज्य सरकार कोति ले वहन करे जाही, संगेच ओ मन ल ₹50,000 हर महीना के फेलोशिप घलोक देहे जाही। पाठ्यक्रम के समय युवा पढ़ईया लईका मन ल AI, क्लाउड कंप्यूटिंग, डेटा एनालिटिक्स, हेल्थटेक, एजुटेक, राजस्व प्रणाली अऊ ई-गवर्नेंस जइसे महत्वपूर्ण क्षेत्र मन म सरकारी प्रोजेक्ट्स म काम करे के व्यावहारिक अनुभव घलोक प्राप्त होही। प्रदेश सरकार ह युवा मन ले आग्रह करे हे के ओ मन ए सुनहर अवसर के लाभ उठाए बर iiitnr.ac.in पोर्टल म जाके आवेदन करंय।
मुख्यमंत्री श्री साय ह कहिन के ये कार्यक्रम न केवल राज्य के तकनीकी परिदृश्य ल नवा ऊंचाइ देही, बल्कि छत्तीसगढ़ ल डिजिटल युग म अग्रणी राज्य के रूप म स्थापित करे के दिशा म घलोक एक मजबूत कदम साबित होही।