मुख्यमंत्री दाउ बघेल ह जन्मदिन म रइपुर शहर सफाई बेवस्था बर दू ठिन केनाईज्ड स्वीपिंग मशीन ल हरियर झण्डी दिखाके रवाना करीन

रइपुर, 23 अगस्त 2021 सम्मार। मुख्यमंत्री दाउ भूपेश बघेल  आज अपन जनमदिन के मउका म रायपुर नगर निगम के स्मार्ट सिटी परियोजना के अंतर्गत रइपुर के साफ-सफई बेवस्था ल सुचारू बनाए बर दू ठिन मेकेनाईज्ड स्वीपिंग मशीन मन ल हरियर झण्डी दिखाके रवाना करीन। एकरे संग रइपुर शहर म मशीनीकृत सफई बूता के शुभारंभ होगे। ये कार्यक्रम मुख्यमंत्री घर के परसार म आयोजित करे गइस।
दू ठिन नवा मेकेनाईज्ड स्वीपिंग मशीन ले आज राजधानी शहर म मुख्यमंत्री घर ले सिविल लाईन होके अमर शहीद भगत सिंह चौक शंकर नगर मुख्यमार्ग होवत अशोका टावर शंकरनगर चौक तक मशीनीकृत सफई बूता कराए गइस। नगर निगम स्वास्थ्य विभाग कोति ले स्वीपिंग मशीन ले मुख्य मार्गाें के सफई करवाए बर रूट तको निर्धारित करे गेहे हवय। निर्धारित रूट के अनुसार सफई बूता नगर निगम स्वास्थ्य विभाग कोति ने सब्बो जोन मन म कराए जाहीं।