रइपुर, 20 अगस्त 2021 शुकवार। देश के पूर्व प्रधानमंत्री भारतरत्न स्वर्गीय श्री राजीव गांधी के जयंती म प्रदेश के मुख्यमंत्री दाउ भूपेश बघेल ह रायपुर के भाठागांव म करीब 49 करोड़ रूपिया के लागत ले बने श्री बालाजी स्वामी ट्रस्ट श्री दूधाधारी मठ अंतर्राज्यीय बस टर्मिनल परिसर के लोकार्पण के बेरा रइपुर के जीवनदायनी खारून नदी के जल ल प्रदूषण ले बचाए बर 6 एम.एल.डी. सिवरेज ट्रीटमेंट प्लांट के तको लोकार्पण करीन।
दाउ भूपेश बघेल ह श्री बालाजी स्वामी ट्रस्ट श्री दूधाधारी मठ ल भाठागांव म ये अंतर्राज्यीय बस टर्मिनल बनाए बर देहे गे 25 एकड़ भूमि जमीन के बलदा ओतके कीमत के जमीन नवा रइपुर म देहे के घोषणा करीन।
मुख्यमंत्री ह ये बेरा म श्री बालाजी स्वामी ट्रस्ट श्री दूधाधारी मठ के अध्यक्ष अउ छत्तीसगढ़ गौ सेवा आयोग के अध्यक्ष श्री रामसुंदर दास के शॉल पहिनाके सम्मान करीन अउ मंच म उन्कर पाँव छूके आशीर्वाद लिन।
मुख्यमंत्री ह ट्रस्ट उन्कर कोति ले देहे जमीन के संग-संग स्वास्थ्य अउ शिक्षा जइसन बूता बर आभार व्यक्त करीन।