मुख्यमंत्री ह स्वर्गीय बालगंगाधर तिलक के पुण्यतिथि म करीन नमन

रायपुर, 31 जुलाई 2023 सोमवार। मुख्यमंत्री दाऊ भूपेश बघेल ह सुराजी सेनानी अउ समाज सुधारक श्री बालगंगाधर तिलक के एक अगस्त के पुण्यतिथि म उन मन ल नमन करीन हावय। मुख्यमंत्री ह कहीन हावय कि तिलक जी ह ‘स्वराज मेरा जन्मसिद्ध अधिकार है‘ के प्रेरणादायक उद्घोष के संग सबले अव्वल पूर्ण सुराज के मांग उठाईन। येकर ले आम जनता म देश के सुराज खातिर जागरूकता के संचार होइस हे। जनता ल देश प्रेम अउ अन्याय के विरूद्ध संगठित करे बर उन मन सार्वजनिक गणेश उत्सव अउ शिवाजी उत्सव के शुरूआत करीन। देश के सुराज आंदोलन म उन्कर योगदान सरीदिन सुरता रहिही।