मुख्यमंत्री दाउ भूपेश बघेल ह कोरोना टीका लगवाए बर करीन अपील

रइपुर. 23 जून 2021 बुधवार। मुख्यमंत्री दाउ भूपेश बघेल ह कोरोना संक्रमण ले बाचे बर जम्मो नागरिक मन ले टीका लगवाए के अपील करे हे। उन कहीन कि वर्तमान परिस्थिति म टीका ही कोरोना ले बाचे के सबले प्रभावी उपाय हरे। हालांकि कोरोना के दूसरइया लहर अब लगभग शांत होगे हवय। संक्रमण-दर मात्र एक प्रतिशत के आसपास रहि गे हे। नवा मरीज तको बहुते कम आवत हे। तभो हम ल ये नई भूलाना चाही कि कोरोना के प्रकोप कम जरूर हुआ हे, फेर खतम नई होए हे। ये बेरा अउ अधिक सतर्क रहीके अपन जिम्मेदारी वहन करे के हे। आवश्यक होएच म घर ले बाहिर निकलै अउ बाहिर जावत खानी पूरा सुरक्षा अउ सावधानी रखैं।
मुख्यमंत्री ह सबो नागरिक मन ले अपील करे हे कि वोमन मास्क लगावै, समाजिक दूरी अउ हाथ के साफ-सफई संबंधी अनुशासन के कड़ई ले खुदे तको पालन करैं अउ दूसरों ले तको करवावैं ताकि वायरस फेर बगर झन पावय। ​अभीन सावधानी बरतना अउ टीका लगवाना ही एकमात्र उपाय हवय। टीका लगवाए म कोनो खतरा नई हे, भलकुन ये ह हम ल भविष्य म होवइया खतरा ले बचाही। उन्होंने कहा कि शहरों और गांवों में लोग बड़े उत्साह से टीका लगवा रहे हैं। जतके लउहे हम टीका लगवाइंगे, ओतके लउहे हम अपन भविष्य सुरक्षित करत जाइ्गें। मैं खुदे अस्पताल म जाके टीका लगवाए हौं अउर अब मैं खुद ल जादा सुरक्षित महसूस करत हौं।
श्री बघेल ह कहीन कि सबो शासकीय अस्पताल म टीका फोकट म लगावत हावय। एकर बेवस्था करे गे हवय। कहूँ आप टीका लगवा डारे हौ, त दूसर मन ल तको प्रेरित करौ।