15 नवम्बर 2024, शुकवार, रायपुर । बिहनिया बिहनिया बिलासपुर रहइया निशा यादव तीरन एक ठिन फोन आइस। फोन म गुरतुर बोली म कोनो ओला कहीन आप ल किलिमंजारो चढ़ना हे, आप खर्चा के चिंता झन करव। निशा अकचकावत पूछिस आप कौन अव, ओति ले आवाज आइस बेटा मैं विष्णु देव साय बोलत हाववं।
निशा आश्चर्यचकित होवत कहिस आप सच में मुख्यमंत्री बोलत हावव। ओला यकीन नइ होवत रिहिसे, फेर जब मुख्यमंत्री पूरा बात बतावत कहिस कि आप अपन लक्ष्य पर फोकस करव। छत्तीसगढ़ के हर एक बेटी के सपना पूरा करना हमार जिम्मेदारी हे। छत्तीसगढ़ सरकार आपके साथ खड़े हे।
मुख्यमंत्री के मया भरे आश्वासन सुनकर निशा के खुशी के ठिकाना नइ रिहिस । निशा ल येहू बात म यकीन करना बड़ मुस्कुल होवत रिहिसे कि बिना कोनो आवेदन या आग्रह के मुख्यमंत्री ह उन्कर सपना पूरा करे के पहल करत हे।
मुख्यमंत्री श्री साय ह निशा संग पर्वतारोहण के बारे विस्तार ले बात करीन। निशा ह मुख्यमंत्री ल यूरोप महाद्वीप के सबले ऊंच चोटी माउंट एवरेस्ट के चढ़ाई के बेरा आए चुनौती मन के बारे म बताइस। वो बताइस कि पर्वत पहाड़ के यात्रा रोमांच ले भर देथे। पर्वत के चोटी म तिरंगा फहराना गर्व से भर देथे। निशा आगू बताइस कि अब अफ्रीका महाद्वीप के सबले ऊंच चोटी किलिमंजारो ल फतह करना चाहथौं अउ उन्कर अंतिम लक्ष्य माउंट एवरेस्ट म तिरंगा फहराए के हावय।
निशा ह नम आवाज म मुख्यमंत्री ल आगू बताइस कि मैं पिछले कईयो दिन ले सुतन नइ पावत रिहिसे। मोर पिता ऑटो चालक हे अउ मोर सपना ल पूरा कर पाना ओकर बर बड़ मुस्कुल रिहिसे। मन म बड़ दुविधा रिहिसे कि ये कइसे संभव हो पाहीं, मोर सपना कइसे पूरा होही। आज आप मोर सबो चिंता ल दूर कर दिएव। मुख्यमंत्री जी मैं आप ल बहुत धन्यवाद देवत हौं।
निशा के आत्मविश्वास भरे अइसन गोठ ल सुनके मुख्यमंत्री श्री साय ह कहीन कि छत्तीसगढ़ ल अपन बेटी मन ऊपर गर्व हे। हम चाहबोन कि छत्तीसगढ़ के बेटी माउंट एवरेस्ट म तको तिरंगा फहरावय। उनमन कहीन कि आर्थिक हालात ले हौसला पस्त नइ होवय। उन मन निशा ल शुभकामना देवत कहीन कि आपके आत्मविश्वास अउ जुनून जरूर आप ल अपन लक्ष्य तक पहुंचाही।