रायपुर, 07 अगस्त 2023
ट्रेन के निरस्त अउ विलंब ले चलने के कारन प्रदेशवासी मन ल होवत परसानी के करिस उल्लेख
छत्तीसगढ़ के दूरस्थ अंचल में रहोइया लोगन मन ल होवत दिक्कत ले कराइस अवगत
ट्रेन के सुचारू संचालन सुनिश्चित करे ब रेल मंत्रालय ल निर्देश देहे के करिस आग्रह
मुख्यमंत्री श्री भूपेश बघेल ह प्रधानमंत्री श्री नरेन्द्र मोदी ल पत्र लिख के छत्तीसगढ़ से होके निकले वाले यात्री गाडी के अनियमित परिचालन ले राज्य के लाखों नागरिक मन ल होवत समस्या ले अवगत कराइस । मुख्यमंत्री श्री बघेल ह पत्र में लिखे हे कि रेलवे द्वारा बिना कोनो पूर्व सूचना के कभू भी बडे़ संख्या म यात्री ट्रेन के निरस्त करे के सूचना जारी कर दिए जाथे निरस्त ट्रेन कब तक निरस्त रही, एकर घलो जानकारी यात्री मन ल नई दिए जाए। यात्री ट्रेन ले निरस्ती के अलावा ट्रेन के अबड़ देरी से चले ले घलो रेल यात्री मन ल कई प्रकार के परसानी के सामना करे ल परत हे। मैं ह पहिली घलो रेल मंत्री जी ल कई घ यात्री ट्रेन के सुचारू परिचालन ब ध्यान आकर्षित कराए हव, फेर ओकर से स्थिति में कोनो सुधार नई दिखत हे।
