मुख्यमंत्री दाउ भूपेश बघेल के दुरूग अउ बालोद जिला ल सौगात :685 करोड़ रूपिया लागत के 244 ठिन बूता लोकार्पण अउ शिलान्यास

रइपुर, 8 जून 2021 मंगल । मुख्यमंत्री दाउ भूपेश बघेल ह आज राजधानी रइपुर स्थित अपन घरू कार्यालय म आयोजित वर्चुअल कार्यक्रम म दुरूग अउ बालोद जिला ल लगभग 685 करोड़ रूपिया के लागत के 244 काम मन के सौगात दीन। मुख्यमंत्री ह येमा ले दुरूग जिला म 285 करोड़ 87 लाख रूपिया के लागत के 57 ठिन कार्य के अउ बालोद जिला म 399 करोड़ 32 लाख रूपिया के लागत के 187 ठिन अबड़ अकन निर्माण कार्य मन के लोकार्पण अउ शिलान्यास करीन। ये कार्य मन म शिक्षा, स्वास्थ्य अउ पेयजल जइसन बुनियादी सुविधा अउ अधोसंरचना विकास के कार्य संघरे हे ।
ये बेरा म मुख्यमंत्री के घर म गृह मंत्री श्री ताम्रध्वज साहू, कृषि अउ जल संसाधन मंत्री श्री रविन्द्र चौबे, वन अउ जलवायु परिवर्तन मंत्री श्री मोहम्मद अकबर, लोक स्वास्थ्य यांत्रिकी मंत्री गुरु रूद्र कुमार, महिला अउ बाल विकास मंत्री श्रीमती अनिला भेड़िया, मुख्यमंत्री के अपर मुख्य सचिव श्री सुब्रत साहू संघरे रिहिन।