मुख्यमंत्री दाऊ भूपेष बघेल के महाविद्यालयीन छात्र मन के हित म करे घोषणा म अमल शुरू

मुख्यमंत्री ह 15 अगस्त के सुराज दिवस म करे रिहिसे घोषणा
रायपुर 19 अगस्त 2023
मुख्यमंत्री दाऊ भूपेष बघेल कोति ले शासकीय महाविद्यालय मन म पढ़इया छात्र मन के घर ले महाविद्यालय अउ महाविद्यालय ले घर आए जाए बर बस के माध्यम ले फोकट म परिवहन सुविधा देहे के घोषणा म राज्य शासन कोति ले अमल शुरू कर दिए गे हावय। मुख्यमंत्री दाऊ भूपेष बघेल ह 15 अगस्त के सुराज दिवस के बेरा म राजधानी रायपुर के पुलिस परेड मैदान म होवइया राज्य स्तरीय समारोह म महाविद्यालयीन छात्र मन के हित म ये घोषणा करे रिहिस हे।
उच्च षिक्षा विभाग के आयुक्त श्रीमती शारदा वर्मा ह ये घोषणा के क्रियान्वयन के संबंध म जम्मो शासकीय महाविद्यालय के प्राचार्य मन ल पाती लिखे हावय। जेमा शासकीय महाविद्यालय म पढ़त उन विद्यार्थी मन के जानकारी माँगे गे हावय, जेमन फोकट म बस परिवहन सेवा के लाभ लेना चाहत होही। पाती के माध्यम ले निर्धारित प्रारूप म जानकारी माँगे गे हावय। जेमा परिवहन के नाम, बस रूट के नाम, महाविद्यालय के निकटतम बस स्टॉप के नाम अउ विद्यार्थी के घर ले कॉलेज के दूरी संबंधित जानकारी मांगे गे हावय। प्राचार्य मन ल ये उक्त जानकारी 28 अगस्त तक भेजे बर कहे गे हावय।