रइपुर, 23 जुलाई 2021 शुकवार। मुख्यमंत्री दाउ भूपेश बघेल ह गुरू पूर्णिमा के बेरा म प्रदेशवासी मन ल बधाई अए शुभकामना दीन हवयं। मुख्यमंत्री ह गुरू पूर्णिमा म जारी अपन संदेश म कहीन कि महाभारत अउ वेद मप के रचयिता महर्षि वेद व्यास के अवतरण दिवस आषाढ़ पुन्नी के दिन भारत म गुरू पूर्णिमा मनाए के परम्परा हावय । ये विशेष दिन अपन आराध्य गुरू के मार्गदर्शन अउ अमूल्य ज्ञान के प्रति आस्था, सम्मान अउ आभार प्रगट करे के महापर्व हरे। दाउ बघेल ह कहीन कि भारतीय संस्कृति म गुरू ल सर्वोच्च जगा देहे गे हवय। उन् ल साक्षात परब्रम्ह के संज्ञा देहे गे हे काबर कि वोमन अज्ञानता के अंधकार ल मेटार के ज्ञान के रोशनी कोति लेके जाथे। मुख्यमंत्री ह कहीन कि गुरूजन सही रद्दा देखाके जीवन ल प्रगति कोति ले जाए म महत्वपूर्ण भूमिका निभाथे। गुरू पूर्णिमा के पवित्र दिन हम ल गुरू मन के अमूल्य शिक्षा ल जीवन म उतारके ओकर सकारात्मक प्रभाव अधिक ले अधिक लोगन तक पहुंचाए के संकल्प के संग बढ़ना चाही।
