मुख्यमंत्री ह गुरूजन मन ल शिक्षक दिवस पर म दिस सुभकामना

रायपुर, 04 सितम्बर 2023
मुख्यमंत्री श्री भूपेश बघेल ह 5 सितम्बर के शिक्षक दिवस के अवसर म सब्बो शिक्षक अउ प्रदेशवासी मन ल बधई अउ सुभकामना दिस हे। मुख्यमंत्री ह अपन बधई संदेश में कहिस कि पूर्व राष्ट्रपति भारतरत्न डॉ. सर्वपल्ली राधाकृष्णन के जन्मदिन ल शिक्षक दिवस के रूप में मना के हमन गौरवान्वित महसूस करतथन। डॉ. राधाकृष्णन एक दार्शनिक अउ अध्यापक घलो रहिस हे। देश ल शिक्षा ले दिशा में आघू ले जाए में डॉ. सर्वपल्ली राधाकृष्णन के अबड़ महत्वपूर्ण भूमिका रहिस हे। ओ ह उच्च नैतिक मूल्य ल अपन जीवन में उतारिस अउ अपन छात्र मन ल घलो प्रेरित करिस। मुख्यमंत्री ह कहिस कि शिक्षक मन ह एक अच्छा नागरिक तियार करे में महत्वपूर्ण भूमिका निभाथे। शिक्षा के माध्यम ले ओ ह समाज में सकारात्मक परिवर्तन लाए के क्षमता रखथे। आशा हे कि डॉ. राधाकृष्णन के पदचिन्ह म चलते हुए सब्बो शिक्षक देश अऊ समाज ल सकारात्मक दिशा देहे में महत्वपूर्ण भूमिका निभाही।