श्रमिक मन के हित में करिस दू ठ अहम् घोषणा
मुख्यमंत्री निर्माण श्रमिक आवास सहायता योजना के राशि 50 हजार रूपिया ले बढ़ा के करिस एक लाख रूपिया
श्रम पदाधिकारी कार्यालय बस्तर, सरगुजा, जांजगीर-चांपा, बलौदाबाजार अउ राजनांदगांव के सहायक श्रमायुक्त कार्यालय में उन्नयन
मुख्यमंत्री श्री बघेल के राजधानी के अम्बेडकर चौक ले शहीद भगत सिंह चौक तक लोगन मन ह करिस अभूतपूर्व स्वागत अउ अभिनंदन
रायपुर, 23 अगस्त 2023
मुख्यमंत्री श्री भूपेश बघेल के आज उकर जनमदिवस म राजधानी रायपुर के अंबेडकर चौक ले शहीद भगत सिंह चौक तक जुटे भीड़ में लोगन मन ह अभूतपूर्व स्वागत अउ अभिनंदन करिस। मुख्यमंत्री श्री बघेल ह ए अवसर म लोगन मन से अपार स्नेह पा के खुशी से अभिभूत हो गईस। ओ ह ए मौका म छत्तीसगढ़ में श्रमिक मन के हित में दू महत्वपूर्ण घोषणा घलो करिस।
एमा मुख्यमंत्री निर्माण श्रमिक आवास सहायता योजना के राशि 50 हजार रूपिया ले बढ़ा के 01 लाख रूपिया करे अउ राज्य के श्रम पदाधिकारी कार्यालय बस्तर, सरगुजा, जांजगीर-चांपा, बलौदाबाजार अउ राजनांदगांव के सहायक श्रमायुक्त कार्यालय में उन्नयन के घोषणा शामिल हे। गौरतलब हे कि छत्तीसगढ़ भवन अउ अन्य दूसर सन्निर्माण कर्मकार कल्याण मंडल अंतर्गत संचालित मुख्यमंत्री निर्माण श्रमिक आवास सहायता योजना के तहत प्रदेश के पंजीकृत निर्माण श्रमिक मन ल स्वयं के भू-खण्ड म आवास निर्माण-नवीन आवास बिसाये ब राशि 50 हजार रूपिया मंडल कती ले एकमुश्त देहे के प्रावधान हे, ए योजना के राशि ल बढ़ा के एक लाख रूपिया करे के घोषणा करे गईस। ए तरह राज्य के श्रम पदाधिकारी कार्यालय बस्तर, सरगुजा, जांजगीर-चांपा, बलौदाबाजार अउ राजनांदगांव के उन्नयन कर के सहायता श्रमायुक्त कार्यालय करे जाए के घोषणा करिस।
मुख्यमंत्री श्री बघेल ह ए अवसर म सम्बोधित करत हुए कहिस कि हमर सरकार ह छत्तीसगढ़ में जम्मो वर्ग के लोगन के उत्थान ब सरलग काम करत हे
मुख्यमंत्री श्री बघेल ह ए अवसर म श्रम विभाग के विभिन्न योजना के अंतर्गत 2 हजार 507 हितग्राही मन ल एक करोड़ 81 लाख रूपिया राशि के वितरण कर लाभान्वित करिस।
ए योजना में मुख्यमंत्री निर्माण श्रमिक मृत्यु अउ दिव्यांग सहायता योजना में एक हितग्राही ल 5 लाख रूपिया, मुख्यमंत्री निर्माण श्रमिक आवास सहायता योजना में 6 हितग्रही मन ल 3 लाख रूपिया अउ मुख्यमंत्री नोनी सशक्तिकरण सहायता योजना में 500 हितग्राही मन ल 20 हजार रूपिया प्रति हितग्राही के मान ले एक करोड़ रूपिया के राशि प्रदान करिस। एकर छोड़े मुख्यमंत्री सायकल सहायता योजना अंतर्गत एक हजार 860 महिला हितग्राही मन ल 68 लाख 19 हजार रूपिया अउ 140 पुरूष हितग्राही मन ल 5 लाख 18 हजार रूपिया के देय राशि शामिल हे।
