मुख्यमंत्री पुलिस जवान श्री वासुराम कवासी ले दूरभाष ले गोठियाके ओला ढांढस बंधाईन

रइपुर 10 अगस्त 2021 मंगल। मुख्यमंत्री दाउ भूपेश बघेल ह दंतेवाड़ा डीआरजी म पदस्थ पुलिस के जवान श्री वासुराम कवासी ले आज टेलीफोन म गोठियाके ढांढस बंधाइन अउ श्री वासुराम कवासी के महतारी श्रीमती पूपे कवासी के सड़क दुर्घटना म मउत होए म शोक संवेदना परगट करीन। पुलिस के जवान श्री वासुराम कवासी काली 9 अगस्त के दंतेवाड़ा के कटेकल्याण क्षेत्र म एक ठिन ट्रैक्टर के दुर्घटनाग्रस्त होए म ये दुर्घटना म घायल लोगन मन के रेस्क्यू बर आने जवान मन संग पहुंचे रिहिस। ये ट्रैक्टर के पानी ले भरे गड्ढा म गिरे ले कई झिन ट्रैक्टर के ट्राली के तरी म दब गे रिहिसे। लोगन मन ल बचावत खानी श्री वासुराम कवासी ह एक झिन माइलोगन के शव ल बाहिरन निकालिस जउन उन्कर महतारी के शव रिहिस। मुख्यमंत्री दाउ बघेल ल आज ये घटना के जानकारी मिले म उन मन श्री वासुराम कवासी ले टेलीफोन म बात करके उन मन ल ढांढस बंधाइन अउ सांत्वना दीन।