रइपुर, 07 जून 2021 सम्मार। मुख्यमंत्री दाउ भूपेश बघेल ह 8 जून के दुरूग अउ बालोद जिला के अबड़ अकन विकास कार्य मन के भूमिपूजन अउ लोकार्पण करके दूनों जिलावासी मन ल विकास कार्य के सौगात देंही। दाउ बघेल मुख्यमंत्री घरू कार्यालय म मंझनिया 12 बजे ले होवइया कार्यक्रम म वीडियो कांफ्रेसिंग के माध्यम ले ये सौगात देंही। ये कार्यक्रम म दूनों जिला के जनप्रतिनिधि अउ प्रशासनिक अधिकारी अपन-अपन जिला ले वीडियो कांफ्रेसिंग के माध्यम ले संघरहीं ।
मुख्यमंत्री दाउ बघेल अइसनेहे 9 जून के बलौदाबाजार- महासमुंद जिला, 10 जून के कबीरधाम अउ गरियाबंद जिला, 11 जून के राजनांदगांव अउ धमतरी जिला, 12 जून के मुंगेली अउ बेमेतरा जिला अउ 13 जून के रइपुर अउ गौरेला-पेन्ड्रा-मरवाही जिला मन केे विकास कार्य मन के लोकार्पण अउ भूमिपूजन करहीं।
