15 अगस्त 2021 इतवार। मुख्यमंत्री दाउ भूपेश बघेल ह आम जनता के सहूलियत बर प्रशासनिक इकाई मन के बगराव के अपन वादा ल आगू बढ़ावत 75वां स्वतंत्रता दिवस के मउका म छत्तीसगढ़ राज्य म चार ठिन नवा जिला — सारंगढ़-बिलाईगढ़, सक्ति, मोहला-मानपुर अउ मनेन्द्रगढ़ अउ 18 ठिन अउ नवा तहसील के गठन के ऐलान करीन। प्रशासनिक इकाई मन के बगराव ले आम आदमी के समय, श्रम अउ धन के बचत होही। जेकर ले प्रशासनिक काम-काज म कसावट आही अउ लोगन के शासकीय काम-काज सहजता ले होही। दूरिहा के लोगन मन ल विकास के मुख्य धार ले जोड़े अउ उन ल शासकीय योजना मन के लाभ पहुंचाए म आसानी होही।
शासकीय काम-काज के मॉनिटरिंग म सुविधा होही अउ स्वास्थ्य, शिक्षा, सड़क जइसन बुनियादी सुविधा मन अउ पोठ होही।
