रायपुर, 28 अगस्त 2023
मुख्यमंत्री दाऊ भूपेश बघेल ह राज्यपाल श्री विश्वभूषण हरिचंदन ल पाती लिखके छत्तीसगढ़ पिछड़ा वर्ग महासभा तथा पिछड़ा वर्ग कल्याण संघ के निवेदन म भेंट बर समय देहे के करीन अनुरोध करीन हावय। मुख्यमंत्री दाऊ भूपेश बघेल ह पाती म लिखिन हावय कि 27 अगस्त 2023 के रायपुर म आयोजित होवइया छत्तीसगढ़ पिछड़ा वर्ग महासभा तथा पिछड़ा वर्ग कल्याण संघ कोति ले मोर ले मिलके निवेदन करे हवयं कि वोमन अपन लंबित मांगों मन ल लेके आपमन ले भेंट करना चाहत हावयं तदनुसार कृपया छत्तीसगढ़ पिछड़ा वर्ग महासभा तथा पिछड़ा वर्ग कल्याण संघ के प्रतिनिधि मंडल ल भेंट करे बर समय आबंटित करे अउ सहानुभूति पूर्वक उन्कर मांग मन ऊपर विचार करे के कष्ट करिहौ।
उल्लेखनीय हे कि छत्तीसगढ़ छत्तीसगढ़ पिछड़ा वर्ग महासभा तथा पिछड़ा वर्ग कल्याण संघ ह इतवार के मुख्यमंत्री दाऊ भूपेश बघेल संग भेंटकरके अन्य पिछड़ा वर्ग ल शासन के जन कल्याणकारी योजना मन म समुचित लाभ देवाए के संदर्भ म अपन मांग रखे रिहिने। जेमा संघ ह लउहे 27 प्रतिशत अन्य पिछड़ा वर्ग आरक्षण ल लागू करे के मांग प्रमुखता ले राखे रिहिन हवयं। ये मौका म संघ ह मुख्यमंत्री दाऊ बघेल ले अबड़ अकन लंबित मांग मन लेके राज्यपाल श्री विश्वभूषण ले समय देवाए बर अनुरोध तको करे रिहिने, जेला देखत हुए संघ के निवेदन म मुख्यमंत्री ह राज्यपाल ल पाती लिखे हावय।