रायपुर, 28 अगस्त 2023
मुख्यमंत्री दाऊ भूपेश बघेल ह राष्ट्रीय खेल दिवस 29 अगस्त के प्रदेशवासी मन, खिलाड़ी अउ खेल प्रेमी मन ल बधाई अउ शुभकामना दीन हें। दाऊ बघेल ह हॉकी के जादूगर मेजर ध्यानचंद के योगदान ल सुरता करत कहीन कि हॉकी के जादूगर कहे जाने वाला मेजर ध्यानचंद ह अपन खेल ले देश के संगे संग जम्मो भारतवासी मन के माथा ल ऊँच करीय हावय। उन्कर सम्मान अउ सुरता म हरेक बछर हमन मध्यानचंदजी के जनमदिन के खेल दिवस के रूप् म मनाथन।
ये बरे म मुख्यमंत्री दाऊ बघेल ह कहीन कि खेल के जिनगी अबड़े महात्तम होथे। खेल ले मनखे के व्यक्तित्व म नेतृत्व, समर्पण, अनुशासन जइसन गुण के बढ़ौतरी होथे जेन ह जिनगी के हरेक क्षेत्र म सफल होए बर मदद करथे। उहेंचे मुख्यमंत्री ह कहीन कि युवा मन बर खेल के क्षेत्र म असीम संभावना हावय। छत्तीसगढ़ सरकार राज्य के खेल प्रतिभा मन ल पंदौली देहे अउ आगू बढ़ाए बर हर संभव उदीम करत हावय। उन कहीन कि इहां राष्ट्रीय अउ अंतर्राष्ट्रीय स्तर म खिलाड़ी मन ल उभारे बर खेल विकास प्राधिकरण के गठन के संगे संग अंतर्राष्ट्रीय स्तर के खेल अधोसंरचना मन के निर्माण करे गे हावय। स्थानीय खेल प्रतिभा मन ल पहिचाने, निखारे अउ उचित मंच देहे बर छत्तीसगढ़िया ओलंपिक के शुरूआत करे गे हावय।येरक ले युवा मन ल खेल के क्षेत्र म आगू बाढ़े के मौका मिलही।
