सीवायएफ करीस मुख्यमंत्री दाऊ बघेल के सम्मान

सीवायएफ करीस मुख्यमंत्री दाऊ बघेल के सम्मान
मुख्यमंत्री ह सहराइस सीवायएफ के बूता ल
रइपुर 12 जुलाई 2022
मुख्यमंत्री दाऊ बघेल के घरू कार्यालय म काली सम्मार के दिन क्रिष्चियन यूथ फैलोषिप 96 बैच के पदाधिकारी अउ सदस्य मन सौजन्य भेंट-मुलाकात करीन। सीवाएफ ह जांजगीर-चांपा के पिहरिद गांव के राहुल साहू के जिनगी बचाए खातिर मुख्यमंत्री दाऊ बघेल के उदीम ल संहराइस अउ ओला सुरता चिन्हारी भेंट करके सम्मानित करीन। सीवाएफ ह सामाजिक विषय मन म गोठ-बात करीन। उन मन बैच डाहर ले पहिली के करे अउ अभीन करत बूता मन जानकारी मुख्यमंत्री ल दीन। मुख्यमंत्री ह दल के समाज सेवा के बूता ल सहराइस।
मुख्यमंत्री ह सिविल सर्विसेस के माइलोगन हॉकी टीम के कप्तान डॉ. अंजुम रहमान अउ टीम ल तको शुभकामना दींन। जउन राष्ट्रीय स्तर म अव्वल तीन म जगा बनाके ट्राफी जीतीन। मुख्यमंत्री दाऊ बघेल ले भेंट के बेरा सीवायएफ के सर्वश्री ज़ॉन राजेश प़ॉल, राजेश लाल, श्री सुदेश दास, श्रीमती रचना काल्टन, श्रीमती रूचि धर्मराज, श्रीमती मंजूल राशि जॉन, श्री सुहैल अहसान, श्री कुलदीप सिंह, श्री विनोद लाल, श्री शोमरोन केजू, श्री जेनिस दयाल, श्रीमती रीना अहसान, श्री सालेम सिंग, श्री दीपक गिडियन, श्री मनीष दयाल, श्री फ्रेंकी मैनुएल अउ श्री प्रमोद लाल संघरे रिहिन।