मुख्यमंत्री ह प्रदेशवासीमन ल सावन महीना के दीन शुभकामना

रइपुर, 24 जुलाई 2021 शनिच्चर। मुख्यमंत्री दाउ भूपेश बघेल ह भगवान शिव के आराधना के प्रतीक पवित्र सावन महीना के 25 जुलाई ले शुभारंभ के बेरा म जम्मो प्रदेशवासी मन ल शुभकामना दीन हवयं। ये बेरा म दाउ बघेल ह प्रदेशवासी मन ल सुख, समृद्धि अउ खुशहाली के कामना करीन हे। दाउ बघेल ह कहीन कि सावन महीना के प्रारंभ के संगे—संग शिव जी के विशेष आराधना शुरू हो जथे। विशेष रूप ले श्रद्धालु मन पूरा भक्तिभाव ले सावन सोमवार के शिवजी के बरत राखथे। मुख्यमंत्री ह आम जनता ले अपील करीन हे कि कोरोना के खतरा अभी टरे नई हे एकर सेति कोरोना ले बचाव बर जारी सबो प्रोटोकाल के पालन करत आराधना करैं। उन मन महादेव ले जम्मो लोगन के रक्षा बर प्रार्थना करीन हें।