मुख्यमंत्री श्री भूपेश बघेल विश्व आदिवासी दिवस म सरगुजा जिला के सीतापुर में आय़ोजित कार्यक्रम म संघरिस

रायपुर, 09 अगस्त 2023

696 हितग्राही मन ल मिलिस वनाधिकार पत्र, विभिन्न शासकीय योजना के तहत 27 हजार ले जादा हितग्राही मन ल जरूरी दस्तावेज, जिनिस अउ सहायता राशि के चेक के होइस वितरण

मुख्यमंत्री श्री भूपेश बघेल ह आज विश्व आदिवासी दिवस के अवसर म सरगुजा जिला के सीतापुर में आयोजित कार्यक्रम म 696 हितग्राही मन ल वनाधिकार पत्र ले वितरण करिस। मुख्यमंत्री ह विभिन्न शासकीय योजना के तहत 27 हजार ले जादा हितग्राही मन ल आवश्यक दस्तावेज, सामग्रि अउ सहायता राशि के चेक घलो बाँटिस।
मुख्यमंत्री श्री बघेल ह राजस्व विभाग के 22 हजार 268 हितग्राही मन ल जाति, निवास, आय, बी-1, खसरा अउ ऋण पुस्तिका के वितरण, कृषि विभाग के 170 हितग्राही मन ल स्पेयर पम्प, रागी मिनी किट, किसान समृद्धि योजना के चेक, शाकम्भरी योजना से पम्प, श्रम विभाग के 1280 हितग्राही मन ल सहातया राशि के चेक, पशु विभाग के 680 हितग्राही मन ल बैकयार्ड कुक्कुट वितरण, नर बकरा योजना अउ मादा वत्स योजना के लाभ, शिक्षा विभाग कती ले 300 हितग्राही मन ल सायकिल, समाज कल्याण विभाग के 129 हितग्राही मन ल छड़ी अउ मोटराइज्ड साईकिल, उद्यान विभाग के 267 हितग्राही मन ल सब्जी मिनी किट, पॉवर स्पेयर, पैक हाउस अनुदान पत्रक अउ केसीसी, स्वास्थ्य विभाग के 100 हितग्राही मन ल आयुष्मान कार्ड वितरण, महिला अउ बाल विकास विभाग के 1002 हितग्राही मन ल सुपोषण किट, खाद्य विभाग के 100 हितग्राही मन ल राशनकार्ड, मतस्य विभाग के 100 हितग्राही मन ल जाली अउ आईस बॉक्स, क्रेडा विभाग के 5 हितग्राही मन ल सौर सुजला योजना ले पंप के वितरण, आदिवासी विकास विभाग के 696 हितग्राही मन ल व्यक्तिगत अउ सामुदायिक वन अधिकार पत्र, गोधन विभाग के 100 हितग्राही मन ल प्रशस्ति पत्र, जिला पंचायत विभाग के 03 हितग्राही अउ जिला अंत्यावसायी के 03 हितग्राही मन ल चेक वितरण करिस।