मुख्यमंत्री दाऊ बघेल ह बिदुर घर खाइस भाजी-भात

रइपुर 25 जून 2022
मुख्यमंत्री मुख्यमंत्री दाऊ भूपेश बघेल ह आज अपन भेंट मुलाकात के प्रदेशब्यापी कार्यक्रम के दौरान जशपुर जिला के दुलदुला विकासखण्ड के ग्राम पतराटोली म किसान अर्जुन सिंह दीवान के घर मंझनिया के जेवन करीन। जेवन म उन स्थानीय कटहर के सब्जी, आमटी भाजी, बैंग भाजी, कुल्थी के दाल, कोयनार, सुनसुनिया भाजी, महुआ गुड़ा, मुनगा भाजी, साखी कांदा, अइरसा अउ आलू बरी, मउहा हलुवा अउ मउहा गुडा के सुवाद लिन। ये बेरा म कुनकुरी विधायक श्री यू. डी. मिंज तको मुख्यमंत्री के संग रिहिस हवय।
ये बेरा म मुख्यमंत्री दाउ बघेल ह कहिन कि गांव के किसान के घर जेवन करे म जउन आनंद के अनुभूति होइस वोह कोनो होटल-बासा म खाके तको नइ आवय। शुद्ध देशी अउ छतीसगढिया जेवन के ये स्वाद सरीदिन सुरता रहिही। घर आए म घर के सदस्य मन मुख्यमंत्री के परम्परागत तरीका ले आत्मीय स्वागत करिन।
80 वर्षीय किसान अर्जुन सिंह दीवान मुख्यमंत्री के संग जेवन करके अबड़े खुश हवय। उन मन कहिन कि येह मोर अउ मोर परिवार बर सौभाग्य के बात हरे कि मुख्यमंत्री आज मोर घर जेवन करे बर आइन। भोजन पर आए।
जेवन के पीछू मुख्यमंत्री ह घर के सदस्य मन ल उपहार तको भेंट करिन।