मुख्यमंत्री ल जनम दिन के उपहार सरूप सामरी विधायक ह पहाड़ी कोरवा आदिवासी मन के भेजे तीर-धनुष भेंट करीन

रइपुर, 26 अगस्त 2021 बिरस्पत। मुख्यमंत्री दाउ भूपेश बघेल ले आज संसदीय सचिव अउ सामरी विधायक श्री चिंतामणि महाराज ह भेंट करके बताइन कुसमी विकासखंड के सुदूर अउ कभू नक्सल प्रभावित रेहे ग्राम पंचायत सबाग स्थित सुरलुंगडीह अखइनकोना के पहाड़ी कोरवा मन 23 अगस्त के अबड़े उछाह ले अपन लोकप्रिय मुख्यमंत्री के जन्मदिन मनाइन। आजादी के 74 बछर बाद पहिली पइत ये गांव म पहाड़ी कोरवा आदिवासी मन संग केक काटके प्रदेश के मुख्यमंत्री के जन्मदिन मनाए ​गीस।
श्री चिंतामणि महाराज ह मुख्यमंत्री ल येहू बताइन कि उन्कर जनमदिन के उपहार म पहाड़ी कोरवा आदिवासी मन तीर-धनुष भेजे हेवय अउ उन ल तीर—धनुष भेंट करीन।
गांव म पहाड़ी कोरवा आदिवासी मन ह पारम्परिक वेशभूषा म ग्रामीण अउ लइका मन के संग श्री चिंतामणि महाराज ह केक काटके मुख्यमंत्री के जन्मदिन मनाइन अउ पारम्परिक बाजा—गाजा के धुन नाचीन।