मुख्यमंत्री ल नचवा डरिन

रइपुर, 27 जून 2022
प्रदेश व्यापी भेंट-मुलाकात कार्यक्रम म पहुंचे मुख्यमंत्री भूपेश बघेल ह आज इहां जशपुर म स्वामी आत्मानंद शासकीय उत्कृष्ट हिंदी माध्यम उच्चतर माध्यमिक विद्यालय के शुभारंभ करिन अउ स्कूल परिसर म करे गे बेवस्था ल संहरावत जिला प्रशासन बधाई दीन। इहां बास्केटबॉल मैदान, स्विमिंग पूल, सुसज्जित लैब सहित सबो सुविधा हावय।येह प्रदेश के पहला स्कूल हरे जिहां स्विमिंग पूल के सुविधा हे।
छत्तीसगढ़ के चार चिन्हारी नरवा, गरवा, घुरवा, बाड़ी गाना के बोल म लइकामन सुग्घर नाचीन। लइकामन के आग्रह करे म मुख्यमंत्री खुद ल नइ रोक पाइस अउ उहू तको इहीच गाना म लइकामन संग नाचे बर संघरगे।
इहां 955 छात्र-छात्रा अध्ययन करत हावय। कार्यक्रम के बेरा विधायक श्री यू.डी. मिंज, श्री विनय कुमार भगत के संगे-संग जनप्रतिनिधिगण उपस्थित रिहिन।
जानबा होवय कि जशपुर विधानसभा म 03 स्वामी आत्मानंद उत्कृष्ट अंग्रेजी माध्यम अउ एक हिन्दी माध्यम विद्यालय संचालित हवय जिहां 1246 ले जादा विद्यार्थी अध्ययन करत हावयं। विद्यालय मन म गुणवत्तापूर्ण शिक्षा, मंझनिया के जेवन, गणवेश पाठ्यपुस्तक अबड़ अकन प्रयोगशाला अउ पुस्तकालय के पोठहा सुविधा फोकट म उपलब्ध कराए जावत हवय। शिक्षा सत्र 2021-22 म स्वामी आत्मानंद उत्कृष्ट अंग्रेजी माध्यम जशपुर के कुमारी सौम्या यादव ह दसवीं बोर्ड परीक्षा के प्रावीण्य सूची म चौथा स्थान पाए रिहिस हे।