रायपुर 23 नवंबर 2024
मुख्यमंत्री श्री विष्णुदेव साय ह गुरु तेगबहादुर के 24 नवंबर के शहीदी दिवस म उन ल नमन करीन हे। ये बेरा म श्री साय ह कहीन कि सिख धर्म के नौवा गुरू तेगबहादुर जी मानवीय धर्म अउ वैचारिक स्वतंत्रता खातिर अपन बलिदान देवइया एक क्रांतिकारी युगपुरुष के रूप म जाने जाथे। जम्मो मानवता खातिर दिये गये उन्कर बलिदान के सेति उन ल ‘हिंद की चादर’ कहे गे हावय। श्री साय ह कहीन कि गुरु तेग बहादुर जी के जीवन अउ शिक्षा आज तको प्रासंगिक हवय। धर्म के रक्षा बर दिये गए उन्कर बलिदान सरीदिन सुरता करे जाही।
