रइपुर, 19 अगस्त 2021 बुधवार। मुख्यमंत्री श्री भूपेश बघेल आज घरू कार्यालय म पूर्व मंत्री श्री सुरेंद्र बहादुर सिंह ह सौजन्य मुलाक़ात करके सक्ती ल जिला बनाए के घोषणा बर मुख्यमंत्री ल शॉल पहिना के उन्कर सक्ती क्षेत्र के जनता कोति ले अभिनंदन करीन।
मुख्यमंत्री दाउ भूपेश बघेल ह अपन स्वागत अउ अभिनंदन बर पूर्व मंत्री श्री सुरेंद्र बहादुर सिंह अउ सक्ती के लोगन मन ल धन्यवाद देवत कहीन कि राज्य के सबो अंचल के समग्र विकास अउ समाज के अंतिम पंक्ति के लोगन तक शासकीय योजना अउ कार्यक्रम मन के लाभ पहुंचाना उन्कर सरकार के प्राथमिकता हवय। सबो लोगन विकास के मुख्यधारा ले जुड़ै। सामाजिक, आर्थिक अउ शैक्षिणिक स्तर ले समृद्धि अउ खुशहाली हासिल करैं, इही उन्कर मंशा हे।
श्री सुरेन्द्र बहादुर सिंह ह एकर बर मुख्यमंत्री के अभार जतावत कहीन कि एकर ले कार्यक्रम मन के क्रियान्वयन अउ मॉनिटरिंग के बेवस्था म तेजी आही।
