रइपुर, 02 सितंबर 2021 बिरस्पत। मुख्यमंत्री दाउ भूपेश बघेल ह आज मंझनिया गौरेला-पेंड्रा-मरवाही जिला के मरवाही विकासखण्ड के बरैहा म मरवाही विधायक डॉ.के.के.ध्रुव के घर पहुंचके उन्कर बेटा स्वर्गीय श्री प्रवीण ध्रुव के दशगात्र कार्यक्रम म संघरीन। श्री प्रवीण ध्रुव के बीते दिन एक ठिन सड़क दुर्घटना म निधन होगे रिहिसे। मुख्यमंत्री ह श्री प्रवीण ध्रुव के चित्र म फूल अर्पित करके उन न श्रद्धांजलि दीन। दाउ बघेल ह मरवाही विधायक डॉ.के.के.ध्रुव अउ उन्कर शोकाकुल परिजन ले मिलके उन ल ढांढस बंधाईन अउ अपन शोक संवेदना प्रकट करीन । दशगात्र कार्यक्रम म खाद्य मंत्री श्री अमरजीत भगत, संसदीय सचिव श्री चिंतामणि महाराज, श्री विनोद सेवन लाल चंद्राकर, श्री चंद्रदेव प्रसाद राय अउ श्री इंदरशाह मंडावी संग अबड़ झिन विधायक अउ जनप्रतिनिधि संघरे रिहिन।
मुख्यमंत्री दाउ भूपेश बघेल, विधायक डॉ.के.के.धु्रव के बेटा स्वर्गीय श्री प्रवीण ध्रुव के दशगात्र कार्यक्रम म संघरीन
