मुख्यमंत्री शहरी स्लम स्वास्थ्य योजना-अस्पताल के पहुंच होइस घर तक

घर के तिर मिलत हे निःशुल्क स्वास्थ्य सुविधा
बीते माह जिला के 04 हजार ले जादा लोगन मन ह कराइस अपन इलाज
03 हजार 728 मरीज मन ल मिलिस निःशुल्क दवाई
बलरामपुर, 05 सितम्बर 2023
छत्तीसगढ़ शासन के कल्याणकारी योजना मुख्यमंत्री शहरी स्लम स्वास्थ्य योजना जिला में जरूरतमंद मन ब वरदान साबित होवत हे। मुख्यमंत्री श्री भूपेश बघेल के मंशानुरूप लोगन मन के घर तक स्वास्थ्य सुविधा पहुंचाए के उद्देश्य ले सुरू करे गए ए योजना के तहत आमजन मन ल अस्पताल तक नई जाए ब पड़त हे, बल्कि मोबाईल मेडिकल यूनिट वाहन के माध्यम ले अस्पताल स्वयं उकर घर तक पहुंचत हे।
शहरी स्लम स्वास्थ्य योजना के अंतर्गत अगस्त महीना में जिला के सब नगरीय निकाय में 65 शिविर लगाए गए हे। शिविर में 04 हजार 232 मरीज मन के इलाज करे गय हे। शिविर में आए 780 मरीज मन के निःशुल्क लैब टेस्ट अउ 03 हजार 728 मरीज मन ल निःशुल्क दवाई के वितरण घलो करे गय हे। निगम क्षेत्र के अंतर्गत स्लम क्षेत्र में निवास करे वाले लोगन मन ल घर के तिर म निःशुल्क इलाज, निःशुल्क टेस्ट अउ दवाई उपलब्ध कराए ब सरलग शिविर आयोजित करे जाथ हे। जिला के सब नगरीय निकाय ब वर्तमान में 03 मोबाईल मेडिकल यूनिट के संचालन करे जाथ हे। रामानुजगंज निवासी शालिनी गुप्ता ह बताइस कि उकर माड़ी(घुटना) में दर्द के इलाज कराए वो ह घर के तिर म आए मोबाइल मेडिकल यूनिट में अपन परिजन के संग गईस। इहां डॉक्टर मन ह ओकर स्वास्थ्य परीक्षण करिस अऊ आवश्यक जांच कर के उकर आधार म आवश्यक दवाइ घलो दिस। राहत मिले म अब शालिनी गुप्ता नियमित रूप से एमएमयू में इलाज करवात हे। वो ह ए योजना ब मुख्यमंत्री ल धन्यवाद दिस हे अउ कहिस कि ए योजना लागू होए से स्वास्थ्य सुविधा सुलभ हो गए हे।