मुख्यमंत्री शहरी स्लम स्वास्थ्य योजना अंतर्गत जिला के लोगन मन के होवत हावय उपचार

मुख्यमंत्री शहरी स्लम स्वास्थ्य योजना अंतर्गत जिला के लोगन मन के होवत हावय उपचार

मोबाईल मेडिकल यूनिट के माध्यम ले अब तक कुल 4115 मरीज मन होए हे लाभान्वित

सूरजपुर/30 जून 2022

मुख्यमंत्री दाऊ भूपेश बघेल के मंशा के अनुरूप शहरी क्षेत्र म रहइया लोगन मन ल  फोकट म स्वास्थ्य जांच, परामर्श अउ उपचार के सुविधा उपलब्ध कराए के उद्देश्य ले जिला के नगरीय निकाय मन म मुख्यमंत्री शहरी स्लम स्वास्थ्य योजना संचालित करे जावत हावय। मुख्यमंत्री शहरी स्लम स्वास्थ्य योजना अंतर्गत स्वास्थ्य सुविधा उपलब्ध कराए के उद्देश्य से मोबाईल मेडिकल यूनिट के सुविधा प्रारंभ करके दूरिहा के रहइया जरूरतमंद लोगन मन तक स्वास्थ्य परीक्षण खातिर बेहतर साधन उपलब्ध कराय गे हावय। मोबाईल मेडिकल यूनिट के माध्यम ले लोगन मन के खून जांच, थायराइड, मलेरिया, टाइफाइड, ब्लड प्रेशर, पल्स, शुगर, सीबीसी, यूरीन, हिमोग्लोबिन, कोलेस्ट्रॉल, सिकलिन, लिवर, किडनी जइसे लगभग 27 प्रकार के लैब टेस्ट के सुविधा उपलब्ध हे। अउ आने जांच कुशल लैब टेक्नीशियन अउ अत्याधुनिक सुविधा वाले मशीन मन ले करे जाही।  मुख्यमंत्री शहरी स्लम स्वास्थ्य योजना के शिविर सबो वार्ड मन म रूट के अनुसार संचालित करे जावत हावय। मोबाईल मेडिकल यूनिट म कार्यरत स्वास्थ्य कार्यकर्ता ह बताइस कि मोबाईल मेडिकल यूनिट म एक मेडिसिन विशेषज्ञ, एक फार्माशिष्ट, एक ए.एन.एम., अउ एक झिन लैब टैक्नीशियन सहित कुल 5 स्टॉफ रहिथे। जेमें डॉ. धर्मेन्द्र सिंह, डॉ. प्रारुल, निर्मल खलखो, अमिता तिर्की, महेन्द्र राजवाडे़, प्रेमचंद्र सोनवानी, सुखेश्वर, रंजीत सिंह अउ विष्णु राम उपस्थित रहिथे।