मुख्यमंत्री ह तुंहर योजना तुंहर दुआर बुकलेट अऊ बालोद जिला के डायरेक्टरी के करिन विमोचन

बालोद, मुख्यमंत्री श्री भूपेश बघेल ह बालोद जिला म अपन भेंट मुलाकात कार्यक्रम के आखरी दिन आज बालोद सर्किट हाउस म तुंहर योजना तुंहर दुआर बुकलेट अऊ बालोद जिला के डायरेक्टरी के विमोचन करिन। तुंहर योजना तुंहर दुआर बुकलेट म कई ठन विभाग मन म संचालित कल्याणकारी योजना मन के जानकारी के संकलन करे गए हे। ये बुकलेट म योजना के संचालन के उद्देश्य, योजना मन ले होए लाभ, योजना मन के पात्रता अऊ आवेदन के प्रक्रिया के बारे म विस्तार ले जानकारी देहे गए हे। शासकीय योजना मन के प्रचार-प्रसार म संघरे राजीव युवा मितान क्लब के सदस्य मन संग आन मनखे मन अऊ आमजन बर ये बुकलेट बहुत उपयोगी साबित होही। उहें बालोद जिला के डायरेक्टरी म जिला के जम्मो अधिकारी कर्मचारी मन के संबंध म जानकारी संकलित करे गए हे।