कांवड़ यात्रा म सामिल होइन मुख्यमंत्री श्री विष्णु देव साय, भगवान शिव के रुद्राभिषेक करके मांगिन प्रदेस के खुशहाली

रायपुर, सावन महीना म राजधानी रायपुर काली भगवान भोलेनाथ के भक्ती म सराबोर दिखिस। मुख्यमंत्री श्री विष्णु देव साय ह गुढ़ियारी के मारुति मंगलम परिसर म आयोजित भव्य कांवड़ यात्रा म सामिल होइन। ए मउका म मुख्यमंत्री ह भगवान शिव के विधि-विधान ले रुद्राभिषेक अऊ पूजा-अर्चना करके छत्तीसगढ़ के सुख-समृद्धि, सांती अऊ प्रदेसवासी मन के भलाई बर पूजा करिन। उमन कांवड़ यात्रा म सामिल शिवभक्त मन के उमंग बढ़ावत सबो ल सावन मास के बधाई दीन।
मुख्यमंत्री ह कहिन कि कांवड़ यात्रा ह हमर आस्था, भक्ती अऊ समरसता के अनुपम संगम ए। कठिन रद्दा पार करके पैदल जात शिवभक्त मन के उमंग सनातन संस्कृति के ताकत ल देखावत हे। गुढ़ियारी ले हजारन कांवड़िया पवित्र जल लेके महादेव घाट स्थित भगवान हटकेश्वरनाथ के जलाभिषेक बर रवाना होइन। मुख्यमंत्री ह कहिन के हटकेश्वरनाथ मंदिर छत्तीसगढ़ के जुन्‍ना शिव परंपरा के प्रमुख केंद्र ए, जिहां सावन म भारी संख्या म श्रद्धालु पहुंचथें।
उमन कहिन के अइसन धार्मिक आयोजन नवा पीढ़ी ल अपन संस्कृति अऊ संस्कार ले जोड़थे। राज्य सरकार घलोक प्रमुख धार्मिक स्थल मन के विकास अऊ सुविधा बढ़ाए बर सरलग काम करत हे।
ए मउका म विधानसभा अध्यक्ष डॉ. रमन सिंह, पूर्व राज्यपाल श्री रमेश बैस, सांसद श्री बृजमोहन अग्रवाल, विधायक श्री राजेश मूणत, श्री सुनील सोनी, श्री मोतीलाल साहू, श्री पुरंदर मिश्रा, पूर्व सांसद श्री अभिषेक सिंह, महापौर श्रीमती मीनल चौबे समेत कई गणमान्य नागरिक अऊ हजारन श्रद्धालु उपस्थित रहिन।