मुख्यमंत्री कैंप कार्यालय के संवेदनसील पहल ले अविनाश ल मिलीस नवा जिनगी, डीकेएस अस्पताल रायपुर म होइस सफल ईलाज

जसपुर, मुख्यमंत्री श्री विष्णु देव साय के बगिया स्थित कैंप कार्यालय के संवेदनसील पहल ले गरीब अउ जरूरतमंद मनखे मन ल बढ़िया ईलाज के सुविधा मिलत हे। ए पहल के तहत फरसाबहार विकासखंड के ग्राम पंडरीपानी निवासी 21 बछर के अविनाश नायक के रायपुर के डीकेएस अस्पताल म सफल उपचार कराए गे हे।
अविनाश ल जनम ले ही डेरी गोड़ के अंगठा अउ एक अंगरी के मांशपेशी अउ हड्डी असामान्य रूप ले बढ़े के तकलीफ रहिस। आर्थिक तंगी के सेती ओखर परिवार ह बड़े अस्पताल म आपरेशन कराए म असमर्थ रहिन। अविनाश ह बगिया स्थित कैंप कार्यालय म आवेदन देके मदद के गुहार लगाईस। कार्यालय ह तत्परता देखावत ओला रायपुर डीकेएस अस्पताल भेजिस, जिहां विशेषज्ञ डाक्टर मन ह ओखर सफल आपरेशन करिन।
बने होय के बाद अविनाश ह बगिया पहुंचके मुख्यमंत्री ले मुलाकात करिन अउ आभार जतावत कहिन के ए मदद ले ओखर जिनगी बदल गे हे। अब वो सहजता ले चल-फिर सकत हे। मुख्यमंत्री श्री साय ह ओखर स्वस्थ होय म खुशी जाहिर करत उज्ज्वल भविष्य के शुभकामना दीन।