मुख्यमंत्री विष्णु देव साय ला मिलिस नेवता! अब बलौदाबाजार के खरतोरा म होही ‘फिटनेस रन’, जवान मन के होही सम्मान

बलौदाबाजार, मुख्यमंत्री विष्णु देव साय ले आज विधानसभा स्थित उंकर कार्यालय म विधायक मोतीलाल साहू के अगुवाई म एक ठन प्रतिनिधिमंडल ह मुलाकात करिस। ये बेरा म उमन मुख्यमंत्री ला बलौदाबाजार जिला के गांव खरतोरा म होवइया ‘राज्य स्तरीय ओपन फिटनेस रन’ कार्यक्रम म सामिल होय बर नेवता दीन। संगेच आयोजन के एक ठन टी-शर्ट घलो मुख्यमंत्री ला भेंट करिन।
मुख्यमंत्री श्री साय ह नेवता बर प्रतिनिधिमंडल के आभार मानिन अउ कार्यक्रम के सफलता बर अपन सुभकामना दीन्। उमन कहिन के अइसन आयोजन ले समाज म स्वास्थ्य के प्रति जागरूकता बाढ़थे अउ युवा मन ला एक ठी सही रद्दा अउ सकारात्मक दिशा मिलथे।
प्रतिनिधिमंडल ह मुख्यमंत्री ला बताइस के ये कार्यक्रम म भारतीय सेना, पुलिस अउ सीमा सुरक्षा बल (BSF) के जवान मन ला सम्मानित करे जाही। मुख्यमंत्री ह ये पहल के भारी तारीफ करिन। उमन कहिन के देश के सुरक्षा म लगे जवान मन के सम्मान करना पूरा समाज बर गरब अउ प्रेरणा के बात हरय। अइसन आयोजन फिटनेस, अनुशासन अउ देशभक्ति ला एक मंच म जोड़थे, जेखर से एक स्वस्थ अउ सशक्त समाज के निर्माण होथे।