मुख्यमंत्री श्री विष्णु देव साय ह कोसरंगी चौपाल मं पीएम सूर्य घर, सौर सुजला अउ स्वामित्व योजना के लाभ लेहे बर करिन गोहार
रायपुर, मुख्यमंत्री श्री विष्णु देव साय ह काली सुशासन तिहार के अंतर्गत आरंग विकासखंड के ग्राम कोसरंगी के बाजार चौक मं आयोजित चौपाल मं ग्रामीण मन ले सीधा गोठ-बात करके उमन के समस्या सुनिन तथा सासन के जनकल्याणकारी योजना मन के जादा ले जादा लाभ उठाए के अपील करिन। मुख्यमंत्री ह कहिन के राज्य सरकार ह गांव, गरीब, किसान, माईलोगन अउ युवा मन के जम्मो बिकास बर बाना उंचाए हवय अउ सुशासन तिहार के माध्यम ले सासन-प्रसासन ह खुद जनता के बीच पहुंचके समस्या मन के तुरते समाधान सुनिश्चित करत हवय।
मुख्यमंत्री श्री साय ह कीहिन कि प्रदेश मं चलत सुशासन तिहार ह आघू 10 जून तक जारी रइही, जेकर माध्यम ले अधिकारी मन ह गांव-गांव जाके लोगन मन के समस्या सुनत हवंय अउ मोका मं ही समाधान करे के उदीम करत हवंय। उमन कहिन के सरकार ह सिरिफ योजना बनाए तक सीमित नइ हे, भलुक जनता के सुख-दुख मं भागीदार बनके उमन के जीवन मं सुग्घर बदलाव लाए बर सरलग काम करत हवय।
ए मोका मं कौशल विकास, तकनीकी शिक्षा एवं रोजगार मंत्री गुरु खुशवंत साहेब, जिला पंचायत रायपुर के अध्यक्ष श्री नवीन अग्रवाल, संभाग आयुक्त श्री श्याम धावड़े, कलेक्टर डॉ. गौरव कुमार सिंह, स्थानीय जनप्रतिनिधि अउ बड़ संखा मं ग्रामीण लोगन मन उपस्थित रहिन।
