मुख्यमंत्री श्री साय ले आईएमए (IMA) के प्रतिनिधिमंडल ह करिस सौजन्य मुलाकात

रायपुर, मुख्यमंत्री श्री विष्णु देव साय ले महानदी भवन म इंडियन मेडिकल एसोसिएशन (IMA) छत्तीसगढ़ स्टेट के प्रतिनिधिमंडल ह सौजन्य मुलाकात करिन। ए मौका म डॉक्टर मन ह 7 अउ 8 मार्च 2026 के राजधानी रायपुर स्थित श्री बालाजी इंस्टीट्यूट ऑफ मेडिकल साइंसेज म होवइया “आईएमए सीजीकॉन 2026” (IMA CGCON 2026) 21 वाँ स्टेट कॉन्फ्रेंस बर नेवता दीन। मुख्यमंत्री श्री साय ह कार्यक्रम के सफल आयोजन बर पहिली ले बधाई अउ सुभकामना दीन।
ए मौका म आईएमए छत्तीसगढ़ राज्य साखा के अध्यक्ष अउ चेयरमेन डॉ. अनूप वर्मा, अध्यक्ष हॉस्पिटल बोर्ड डॉ. सुरेंद्र शुक्ला, आईएमए सचिव डॉ. संजीव श्रीवास्तव अउ डॉ. गंभीर सिंह उपस्थित रहिन।