60 बछर के अविवाहित मजदूर श्री हनुमंत राव के नइ बने रिहिस राशन कार्ड
रायपुर, मुख्यमंत्री श्री विष्णुदेव साय ले जनदर्शन म अपन समस्या लेके बड़ संख्या म लोगन मन पहुंचत हें। मुख्यमंत्री सब ले बड़ आत्मीयता के संग मिलत हें अउ उंकर मन के समस्या के समाधान करत हें। इही कड़ी म रायपुर के 60 बछर के अविवाहित मजदूर श्री हनुमंत राव ह मुख्यमंत्री ले मिलके ओ मन ल बताइन के ओकर तीर राशन कार्ड नइ हे, जेकर सेती ओ ल सरकारी योजना के लाभ नइ मिल पावत हे। मुख्यमंत्री ह तुरते श्री राव के राशन कार्ड बनाए के निर्देश अधिकारी मन ल दीन।
मुख्यमंत्री ल श्री राव ह बताइस के ओ राजधानी रायपुर के तात्यापारा वार्ड म लगभग 60 साल ले रहत हे। पहिली ओकर दाई-ददा के राशन कार्ड म ओकर घलो नाम जुड़े रिहिस, जेकर ले ओ ल शासन के योजना के लाभ मिलत रिहिस। ओकर दाई-ददा के अब देहांत हो चुके हे। ओ अविवाहित हे अउ अकेले जिनगी गुजारत हे। राशन कार्ड नइ होए के सेती ओ ल खाद्य विभाग के योजना के लाभ नइ मिल पावत हे।
मुख्यमंत्री श्री साय ह ओकर पीरा ल बड़ ध्यान ले सुनिन अउ अधिकारी मन ल तुरते श्री राव ल राशन कार्ड उपलब्ध कराए के निर्देश दीन।