आजादी के लड़इया मन के गाथा ला नवा पीढ़ी तक पहुँचाना हमर जिम्मेवारी : मुख्यमंत्री साय ह सात दीन के छायाचित्र प्रदरसनी के करिन सुभारंभ

रायपुर, रायपुर के कचहरी चौक स्थित ऐतिहासिक टाउन हॉल म 80वां स्वतंत्रता दिवस के मउका म मुख्यमंत्री श्री विष्णु देव साय ह जनसंपर्क विभाग कोति ले आयोजित सात दिन के छायाचित्र प्रदरसनी के सुभारंभ करिन। ए प्रदरसनी म स्वतंत्रता संग्राम म छत्तीसगढ़ के सेनानी मन के योगदान, ‘वंदे मातरम्’ के 150 बछर के जात्रा अउ सरकार के सुशासन अउ विकास के योजना मन ला सजीव रूप म देखाए गे हे।
ए मउका म मुख्यमंत्री ह टाउन हॉल अउ शहीद स्मारक के संधारण अउ सिंगार बर 50-50 लाख रुपिया देहे के घोसना करिन। उन कहिन के आजादी के लड़इया मन के बलिदानी गाथा ला नवा पीढ़ी तक पहुँचाना हमर दायित्व हे। प्रदरसनी म महतारी वंदन योजना, कृषक उन्नति योजना, प्रधानमंत्री आवास योजना जइसन जनकल्याणकारी योजना मन के संग एआई तकनीक ले पर्यटन स्थल मन के डिजिटल फोटो खिंचवाए के बेवस्था घलो करे गे हे।
ए कार्यक्रम म विधायक श्री पुरंदर मिश्रा, सलाहकार श्री आर. कृष्णा दास, जनसंपर्क आयुक्त श्री रजत बंसल, कलेक्टर श्री गौरव सिंह, अपर संचालक श्री उमेश मिश्रा, श्री संजीव तिवारी अउ श्री आलोक देव सामिल रहिन। आम नागरिक मन बर ये प्रदरसनी 15 ले 21 अगस्त तक संझा 8 बजे तक खुले रइही।